Ubat Tradisional dari Aceh
Oen geulinggang keu ubat kurap
Nyoe Asam urat oen campli buta
Malaria nyan keuh oen langsat
Boh pineung klat keu ubat teuga
Kulet manggeh ubat saket dalam
Minyeuk nilam ubat keurawat pha Cit geutah rubek keu ubat geutuet
Meunyo luka pruet ta boeh oen kaca
Boh leupieng keu ubat ulee
Boh keumudee geuntet teuh teuga
Keu ubat busong oen mee tanoh
Asam lambong boh gadong sukla
Ubat ciret boh pisang panjoe
Keh ubat gigoe minyeuk pala
Ubat leupie boh peutek madu
Ubat gleh su pajoeh oen saga
Pureh oen 'ue keu saket reukueng
Oen Ranup uteun keu peunawa
Oen keureundong ubat tinggi darah
Minyeuk u teuprah keu urot pha
Ubat tumbon pajoh peundang
Keu langseng badan boh mee beuna
Kacang longlai keu ubat baten
Boh lawang kleng keu ubat dada
Pajoeh oen rumpuen keu ubat teungeut
Meunyo oen culuet keu pruet di puta
Luka teusi boeh oen si khoh khoh
Ubat bek kiroeh belanja beuna
