®®ကွာရှင်းပြတ်စဲခြင်း®®

Photo Credit:Facebook photo

ဖေဖေနဲ့ မေမေ ကွာရှင်းကြမလို့တဲ့ ။
အကြောင်းအရင်းက အရမ်းကို စည်းကမ်းတင်းကျပ်ပြီး သူစိုက်ထားတဲ့ အပင်တွေကို သိပ်ချစ်တတ်တဲ့ မေမေ့ရဲ့ indoor plant ပန်းအိုးထဲကို ဖေဖေက ကွမ်းတံတွေးထွေးချလို့ ။

ကျနော်သိတဲ့ မေမေဟာ အမြဲသပ်သပ်ရပ်ရပ် နေတတ်တဲ့သူ ။ စည်းကမ်းတင်းကျပ်ပေမယ့် အိမ်သားတွေကို အမြဲလိုလို ဒေါသမပါတဲ့ လေသံအေးအေးနဲ့ ပြောဆိုသတိပေးတတ်တယ် ။ မေမေ့ကို သိပ်ချစ်လွန်းတဲ့ ကျနော်ကတော့ မေမေမကြိုက်ဘူးလို့ ပြောထားတာတွေကို ရှောင်ကြဉ်မိတယ် ။ ဒါကြောင့်မို့ မေမေ့ဆီက ဒေါသနဲ့ မာန်မဲတာမျိုးကို တစ်ခါမှ မကြုံခဲ့ရဖူးဘူး ။

ဒီတော့ မေမေ ဒီအကြောင်းအရာလေးနဲ့ ကွာရှင်းတာဟာ ဘာကြောင့်မှန်းမသိပေမယ့် မေမေ့ကို အပြစ်မမြင်မိသလို ကျနော့်ကို အမြဲအလိုလိုက်တဲ့ ဖေဖေ့ကိုလည်း သနားမိတယ် ။

ကွာရှင်းမယ်ဆိုတဲ့ သတင်းကိုကြားတော့ မေမေ့သူငယ်ချင်းတွေက မေမေ့ကို လာဖြောင်းဖြကြပါတယ် ။
မေမေကတော့ တစ်ခွန်းပဲပြောပါတယ်
"ကိုစိုးနိုင်က သိပ်တော်တဲ့ ယာကျာ်းကောင်းပါ ၊ ဒါပေမယ့် ရှေ့ဆက်သွားဖို့ မဖြစ်နိုင်တော့ဘူး "
ဒီစကားကြားတော့ မေမေ့ သူငယ်ချင်းတွေက မေမေ့ကို
" နင်ကိုက အတွေးခေါင်တာပါဟယ် ၊ ဘာမဟုတ်တာလေးနဲ့ အပြစ်ကိုဇာချဲ့နေတော့တာ "
ဆိုတော့ မေမေက " ဘာမဟုတ်တာလေးတွေ များလာတော့ ဟုတ်သွားတာပေါ့၊ ဒီကွမ်းတံတွေးထွေးတာ တစ်ခါနှစ်ခါမှ မဟုတ်တာ ၊ ငါအမြဲသတိပေးဖူးတယ် ၊ ဒီလိုပဲ ငါသိပ်ရွံတတ်တာကိုမှ ဒီကွမ်းစားတာကို သည်းခံပေးထားတယ် ၊ တစ်ချို့ ငါသူကြိုက်တာသူ့လွတ်လပ်ခွင့်ပဲဆိုပြီး ငါမပိတ်ပင်ဘူး ။ ဒါပေမယ့်လည်း ရေချိုးခန်းဘေဇင်ထဲလည်း ထွေးထည့်လိုက်တာပဲ ဘယ်တော့မှ ပြန်မဆေးဘူး ၊ ငါသိပ်ချစ်တဲ့ ပန်းပင်အိုးထဲလဲ ဘယ်လိုပြောပြော ဗြစ်ကနဲ ထွေးထည့်လိုက်တာပဲ "

ဒီပြောသံတွေကို နားထောင်ရင်း ဘေးက မေမေ့ရဲ့အဒေါ်ကြီးက ဝင်ပြောပြန်ရော
" ညီးကိုက အဖြစ်သည်းတာပါ ၊ မောင်စိုးနိုင်မှာ ဒါလေးပဲ ပြောစရာရှိတာ ၊ ကျန်တဲ့အပိုင်းဘာရှိလို့လဲ ၊ မိသားစုကိုလည်း လိုလေးသေးမရှိ လုပ်ပေးလိုက်တာ ဘယ်မှာသွားရှာမလဲ "

ဘွားဘွားပြောတာလည်း ဟုတ်ပါရဲ့ ။ ဖေဖေဟာ မိန်းမနဲ့သားကို လိုသေးမရှိအောင် အမြဲငွေရှာပေးနိုင်တယ် ။ ဒီနေ့ထိ ကြီးကြီးမားမား ရန်ဖြစ်တာ မတွေ့ခဲ့ရဖူးပါ။ ဘယ်သူဘာပြောပြော မေမေ့ရဲ့ ဆုံးဖြတ်ချက်တွေက ခိုင်မာလွန်းခဲ့တယ် ။

ဘွားဘွားကတော့ သူ့တူမ အလွန်လို့ပဲမြင်တယ် ။
ဒါပေမယ့် ကျနော် ထပ်နားစွင့်မိရင်းကြားတာကတော့ ဖေဖေဟာ သပ်သပ်ရပ်ရပ်ကြိုက်လွန်းတဲ့ မေမေ့အလိုကျ ဘယ်တော့မှ သပ်ရပ်သန့်ရှင်းစွာ မနေတတ်တဲ့သူ ၊ ရေချိူးဖို့ အမြဲပြောရတယ် ၊ ဒါတော့လည်း ဟုတ်တယ် ဖေဖေရေချိုးဖို့ မေမေအမြဲ တဂျီဂျီပြောရတယ် ။

အဝတ်စားတွေကို အဝတ်ခြင်းထဲ ထည့်စေချင်ရင် ဖေဖေက တွေ့ရာနေရာချွတ်တယ် မေမေကလိုက်ကောက်သိမ်းရတယ်။
ထမင်းစားချိန် အရိုးကို ပန်းကန်ထဲထည့်ပါဆိုရင် ဖေဖေက ခုံပေါ်ပဲ ပြီးစလွယ်ချလိုက်တယ် ။ ဘော်ဘီ့ကို အစာချကျွေးရင် ဖေဖေက သူထမင်းစားနေရင်းနဲ့ ပစ်ပစ်ချကျွေးတတ်တယ် ၊ ဒါကိုမေမေကို မကြိုက်လို့ အမြဲပြောပေမယ့် ဖေဖေကတော့ ပစ်မြဲ ၊ မေမေကလည်း ထမင်းစားပြီးရင် ပန်းကန်တွေအပြင် ကြမ်းပြင်ကို သန့်ရှင်းရေးလုပ်ရတော့ တော်တော်နဲ့ မနားရ ။ ဟုတ်သား .... ချွေတာလွန်းတဲ့ မေမေ အိမ်အကူမခေါ်တတ်တဲ့မေမေ... တော်တော်ပင်ပန်းခဲ့ရတာ။

အမြဲလိုလို အလုပ်များနေတဲ့ ဖေဖေဟာ မိသားစုကို အချိန်ပေးနိုင်တာရှားတယ် ။ အလုပ်တွက် ခရီးသွားရင်သွား မသွားရတဲ့ရက်တွေဆို သူငယ်ချင်းတွေနဲ့ စားပွဲတွေသွားလေ့ရှိတယ် ။

တစ်ခါက မေမေက ဖေဖေ့ကို မေးတယ် ဒီနေ့ကိုမှတ်မိသေးလားဆိုတော့ ဖေဖေက မမှတ်မိ ။ အဲ့ဒီနေ့က သူတို့ရဲ့ မင်္ဂလာဆောင်တဲ့နေ့။ ငြူစူတာသိပ်မရှိတဲ့ မေမေဟာ ဒါလေးပဲမေးပြီးတော့ မမှတ်မိတဲ့ ဖေ့ဖေ့ကို အပြစ်တင်သံတော့ မကြားရ ။ ဖေဖေ့ဆီကလည်း ဘာလက်ဆောင်ပေးတာကိုမှ မတွေ့ရ ။

ကျနော့်မွေးနေ့ဆို ကိတ်လေးဝယ် သားလေး Happy birthday နော်ဆိုပြီး မေမေက အမြဲလုပ်ပေးလေ့ရှိတယ် ။ ဖေဖေကတော့ အလုပ်တွေများတော့ ကျနော်က သားမွေးနေ့ ဘာပေးမှာလဲဆိုတော့မှ " အေးဟုတ်သား ဒီနေ့ ငါ့သားမွေးနေ့ပဲကွ ရော့မုန့်ဘိုး ကြိုက်တာဝယ်ကွား " ဆိုတဲ့ဖေဖေ ။
ကျနော်တောင် ဖေဖေဆီက ရတဲ့မုန့်ဘိုးထက် ဖေဖေ့ရဲ့ Happy birthday သားရယ်ဆိုတာလေးကို လိုချင်ခဲ့တာ မေမေဆိုရင်လည်း လိုချင်မှာပေါ့ ။

မေမေဖျားတဲ့အချိန်တွေဆိုရင် ကျနော်အရမ်းစိတ်ပူရတယ် ။ မေမေက တော်ရုံဖျားခဲတဲ့သူ သူဖျားပြီဆိုရင်လည်း အိမ်အလုပ်တွေနဲ့ ကျနော်စားဖို့ စီစဉ်ပေးတတ်တယ် ။ တစ်ခါက မေမေ ဖေဖေ့ကိုဖုန်းဆက်သံကြားမိတယ် ။ ဆေးခန်းပို့ပေးဖို့ ... ဒါပေမယ့် အဲ့ဒီနေ့က ဖေဖေက နိုင်ငံခြားသား ဧည့်သည်တွေနဲ့ တွေ့နေလို့ အချိန်မှီပြန်မရောက်လာဘူး ။ မေမေကတော့ သူဖါသာသူ Taxi ငှားပြီး ဆေးခန်းသွားပြခဲ့တယ် ။ နောက်နေ့မှ ပြန်ရောက်လာတဲ့ ဖေဖေ့ကိုတွေ့တော့ အပြစ်တင်သံတော့ မကြားမိသလို မေမေစိတ်ကောက်တဲ့ အရိပ်အယောင်တောင် မတွေ့မိ။

ဘယ်လိုပဲဖြစ်ဖြစ် အားတင်းရင်း ကျနော် မေ့မေ့ကို မျက်နှာချင်းဆိုင်ပြီး
" ဘာလို့မေမေတို့ ကွာရှင်းရတာလဲဟင် " လို့ ကျနော် မနေနိုင်လွန်းလို့ အရဲစွန့်မေးမိတယ် ။
"သားရယ် ဘဝကြီးက တိုတယ်ပြောလည်းရတယ် ရှည်တယ်ပြောလည်းရတယ် ။ အဆင်ပြေသူနဲ့ဆို ရက်စွဲတွေ ဘယ်လိုကုန်သွားမှန်းမသိရတော့ ဘဝကတိုတယ် ။ သားဖေဖေနဲ့က မေမေအရှည်ကြီး ဆက်သွားရမှာ " ဆိုတဲ့စကားတွေကို တကယ်ဆိုရင် ကျနော်နားမလည်ခဲ့ပါဘူး ။

ဒီလိုနဲ့ ကျနော့်အသက် ၁၃ နှစ်မှာ ဖေဖေနဲ့ မေမေကွာရှင်းခဲ့ ကြတယ် ။ ကျနော်ကတော့ မေမေ့နောက်ကို လိုက်လာခဲ့ပါတယ် ။ အစစအရာရာ အလိုလိုက်တတ်တဲ့ ဖေဖေ့ကိုလည်း ချစ်ပေမယ့် ကျနော်ကတော့ စည်းကပ်တင်းကျပ်တယ်ဆိုတဲ့ မေမေ့နောက်ကိုပဲ လိုက်ချင်ခဲ့တယ် ။

အိမ်ကနေ ထွက်လာချိန်မှာ ကျနော့်လက်ကိုဆွဲရင်း မေမေကျနော့်ကိုပြောတယ် " သားမေ့မေ့ကို ခွင့်လွှတ်နော် " တဲ့ ။ မေမေ့မျက်နှာမှာ ဝမ်းနည်းတဲ့ အရိပ်အယောင်တွေ့ရမလားလို့ ကျနော်ရှာကြည့်လိုက်သေးတယ်။

---

ဖေဖေကတော့ ကျနော်အသက် ၁၅ နှစ်ပြည့်ခါနီးမှာ နောက်အိမ်ထောင်ပြုသွားပါတယ် ။ အဲ့ဒီအတွက် မေမေ့ဘာခံစားရမလဲလို့ ကျနော်အကဲခတ်ကြည့်ပေမယ့် ဘာအရိပ်အယောင်မှ မတွေ့ခဲ့ရပါ။
အိမ်ထောင်ထပ်ပြုပေမယ့်လည်း ကျနော် လိုတာလေးတွေကို ဖေဖေကဆက်ဖြည့်ဆည်းပေးပါတယ် ။

ဖေဖေ့အိမ်ကိုတော့ ကျနော် သိပ်မသွားဖြစ်ပါ။ ကိုယ့်ရှေ့မရှောင် နောက်အိမ်ထောင်အမျိုးသမီးရဲ့ တဂျီဂျီနဲ့ ချွဲတဲ့တဲ့အသံကို သဘောမကျလို့ မသွားဖြစ်ခဲ့တာပါ ။ ဒါပေမယ့်လည်း ဖေဖေသဘောကျဖို့ပဲ လိုပါတယ်လေ ကျနော် ဖေဖေ့ကို ဘာမှထင်မြင်ချက် မပေးခဲ့။

တစ်ခါတစ်လေ ဒီအမျိုးသမီးကို မေမေနဲ့ ယှဉ်ပြီးကြည့်မိသေးတယ် ။ မေမေက တည်ငြိမ်အေးဆေးတဲ့သူ၊ ဖေဖေ့ကို သိပ်မပူဆာတတ်သလို ထောင့်စေ့အောင် အိမ်ထောင့်တာဝန်ထမ်းတဲ့သူ... ခုတော့ ဖေဖေ့အိမ်မှာ အိမ်ဖေါ်လေးတွေ ၂ယောက်နဲ့ ။ ဒါပေမယ့် အိမ်ကတော့ မေမေရှိတုန်းကလို့ မသပ်ရပ်တော့ မီးဖိုချောင်ကအစ အရင်လို သန့်ပြန့်ခြင်းမရှိဆိုတော့ ထမင်းစားဖို့ နေခိုင်းတိုင်း ကျနော်အလိုလို ငြင်းဆန်မိခဲ့တယ် ။ ယုတ်စွဆုံး အိမ်သာတောင် အနံ့သက်မကောင်းလို့ အိမ်ရောက်တိုင်း မဝင်ဖြစ်ခဲ့ ။ ဖေဖေဘယ်လိုနေနေသလဲတော့ စဉ်းစားလို့မရ ။

ဒီလိုနဲ့ ကျနော် အသက် ၂၀ မှာ မေမေဟာ နောက်အိမ်ထောင် ပြုတော့မယ်လို့ ကျနော့်အသိပေးလာတယ် ။ ခွင့်တောင်းတာမျိုးမဟုတ်ပေမယ့် ကျနော့်ဘက်ကလည်း ကန့်ကွက်တာမျိုး မလုပ်ခဲ့မိပါ ။
မေမေ ဖေဖေနဲ့ ကွာရှင်းပြီးကတည်းက အထည်ဆိုင်ဖွင့်ပြီး ကျနော့်ကို စောင့်ရှောက်လာတာ ပင်ပန်းခဲ့ပြီးပြီ ။ နောက်ပြီး နိုင်ငံခြားမှာ ဘွဲ့ထပ်ယူဖို့ ကျောင်းတက်ရဦးမှာဆိုတော့ မေမေ့ကိုထားခဲ့ရမှာ တကယ်လည်း စိတ်မချ ။ ကျနော်က မေမေ စိတ်ချမ်းသာဖို့ကိုပဲ အဓိကထားမိခဲ့ပါတယ်။

ဒက်ဒီလို့ပဲ ကျနော်သူ့ကိုခေါ်မိတယ် ။
ဒက်ဒီက မေမေ့ထက် ၃ နှစ်လောက်အသက်ကြီးတယ် ။ ဖေဖေနဲ့ ဘာရယ်မဟုတ် ကျနော် ထပ်ယှဉ်ကြည့်မိခဲ့တယ် ။ ဖေဖေ့လောက်တော့ ခန့်ညားမှုမရှိပေမယ့် နွေးထွေးကြင်နာတဲ့ ရုပ်ရည်တော့ရှိတယ် ။ ငွေကြေးကတော့ အရမ်းချမ်းသာတဲ့ပုံတော့မရှိပါ ။ Foreign Company တစ်ခုမှ အရာရှိတစ်ဦး ဆိုတော့ လခစားဝန်ထမ်းပဲ ပြောရမယ် ။

ဒက်ဒီက ပန်းပင်သိပ်ချစ်တဲ့ မေမေ့အတွက် တစ်ခါတစ်လေ အလုပ်က ပြန်လာရင် ပန်းအိုးခပ်ဆန်းဆန်းလေးတွေ ဝယ်လာပေးတတ်တယ် ။ အဲ့ဒီရက်တွေဆို မေမေသဘောတွေကျပြီး အသံလေးတွေရွှင်လို့ ။

ထမင်းစားခါနီးဆိုလည်း ကျနော်ကတော့ မေမေ့ကို ဝင်မကူပေးမိပါ။ ဒါမိန်းမတွေအလုပ်လို့ ကျနော်ကိုယ်တိုင် မသိစိတ်က သတ်မှတ်ထားခဲ့တယ် ။
ဒါပေမယ့် ဒက်ဒီကတော့ ပိတ်ရက်ဆိုအိမ်မှာ ကပ်လေ့ရှိတော့ ဟင်းကူချက်ပေးနေတာကို တွေ့ရတတ်တယ် ။

ညနေ ထမင်းစားဝိုင်းကြုံတိုင်း ပန်းကန်ဆေးပေးနေတာက ဒက်ဒီ ။ မေမေကဆေးမယ်ဆိုတိုင်း မင်းတနေကုန် run ထားတာ နားတော့လို့ အမြဲလုပြောလုဆေး လုပ်နေကြ။ ကျနော်ကတော့ ကျနော်နဲ့ မဆိုင်သလိုပဲ စားပြီးထသွားပြီး TV ကြည့်နေတတ်တယ် ။

ဒက်ဒီနဲ့ မေမေ ကလေးထပ်မရတော့ ကျနော်ကိုပဲ သူ့သားလိုသဘောထားပြီး တစ်ခါတစ်လေ ကျနော်စိတ်ဝင်စားတဲ့ ကွန်ပြူတာပညာရပ်ဆိုင်ရာ စာအုပ်တွေကို နိုင်ငံခြားကနေ တကူးတက ဝယ်လက်ဆောင်ပေးတတ်တယ် ။ ဝယ်ရခက်တဲ့ original စာအုပ်လေးတွေရတိုင်း ကျနော်သိပ်ပျော်မိတယ် ။

မေမေ့မွေးနေ့ဆိုရင် ဒက်ဒီက ကျနော့်ကို တကူးတကတိုင်ပင်ပြီး "မင်းအမေကို suprise လုပ်ချင်လို့ " ဆိုပြီး တစ်နှစ်တစ်နှစ် မတူအောာင် ဘာလုပ်ပေးရမလဲလို့တိုင်ပင်တတ်တယ် ။ တစ်ခါတစ်လေဆို ဖေဖေက သိပ်လူငယ်ဆန်ချင်တာပဲလို့တောင် ကျနော်တွေးမိတယ် ။ ဒါပေမယ့် ကျနော်နဲ့မဆိုင်ပါဘူးလေ ။ မေမေက ဒက်ဒီပေးတဲ့ ဘာမှမဟုတ်တဲ့ အပင်လေးတွေပိုက်ပြီးတောင် ပျော်နေတတ်တာ ကျနော်လည်း ကျေနပ်မိပါရဲ့ ။

တစ်နေ့တော့ မေမေ အမျိုးသမီးရောဂါနဲ့ ခွဲစိတ်ဖို့ ဖြစ်လာတယ် ။ ဆေးရုံကို နေ့ညစောင့်ရှောက်ပေးတာက ဒက်ဒီ ။ ကျနော်က ဘေးကနေ လိုအပ်တာလေးလောက်ပဲ ဖြည့်ပေးခဲ့ရတယ် ။ ဒက်ဒီ ရုံးက ခွင့်တွေများနေမှာပေါ့ဆိုတော့ " မင်းအမေ ကျန်းမာရေးကအဓိကကွ " ဆိုတော့ မေမေ့မျက်နှာမှာ ပြုံးရိပ်တွေသန်းလို့ ။

နေ့လည်ဘက် ကျနော် ခဏသွားစောင့်ပေးရင် အိမ်ပြန်ပြီး မေမေ့အဝတ်တွေပြန်လျှော် ပေးပြန်တယ် ။ " ပြန်လျှော်ဦးမယ်သားရေ မင်းအမေ ဒေါ်အသန့်ကြိုက်က အဝတ်စားပုံနေရင် မကြိုက်ဘူးလေ " ဆိုပြီး ရယ်ရယ်မောမောနဲ့ အထုပ်ကြီးအထုပ်ငယ်နဲ့ အိမ်ကိုပြန် ညနေစောင်းလောက်ဆို ကျနော်နဲ့ အလှည့်ပြန်ချိန်းရင် မီးပူတိုက်ပြီးသားလေးတွေ ပြန်ပါလာတယ် ။ မီးပူတိုက်ထားတာ မသပ်မရပ်ပေမယ့် မေမေ့စိတ်အလိုကျတော့ ဖြစ်ခဲ့တယ် ။ ကျနော်ဒီအလုပ်တွေ လုပ်ရမယ်ဆိုရင် သေချာတယ် မလုပ်ပေးနိုင် ။

ဒါပေမယ့် မေမေ ဆေးရုံတက်နေချိန်မှာ ကိုယ့်အလုပ်ကိုယ်လုပ်ရတော့ တော်တော်ပင်ပန်းခဲ့ရသလို တော်တော်လေး အဆင်မပြေဖြစ်ခဲ့ရတယ် ။ အစားသောက်ကအစ ဟင်းတစ်မယ်ဖြစ်ဖို့တောင် ဖြောင့်အောင်ချက်မစားနိုင်လို့ အပြင်မှာချည်း ဝယ်စားခဲ့ရတယ် ။ နောက်ပြီး ဟင်းတစ်ခါချက်ပြီး မီးဖိုချောင်ပြန်ရှင်းလင်းရတာကလည်း မသက်သာ ။
အိမ်သန့်ရှင်းကျပြန်တော့လည်း ကြမ်းလေးတိုက်ရုံနဲ့ကို ဟောဟဲက လိုက်ချင်ပြီ ဒါတောင် မေမေလုပ်တုန်းကလို မပြောင်။ ကိုယ်ချင်းစာမိတယ်ဆိုတာ သူ့အလုပ်တွေဝင်လုပ်ကြည့်မိတော့မှ သိရတယ် ။ ဒါတောင် ဒက်ဒီလိုတောင် ကျနော်မေမေ့နားနေတာ ဒီလောက်ကြာတာ မကူညီပေးခဲ့မိ။

ဒီမှာ ကျနော် နားလည်လိုက်တာတစ်ခုက ကျနော့်အသက် ၁၃ နှစ်တုန်းက မေမေပြောခဲ့တဲ့ ဘဝခရီးလမ်းက ရှည်လွန်းတယ်ဆိုတဲ့စကား ကျနော် ခုမှ သဘောပေါက်လာတယ် ။ မေမေက သူနဲ့ အသွင်တူတဲ့ သူတစ်ယောက်နဲ့ ချမ်းချမ်းသာသာမနေရပေမယ့် သူပျော်ရွှင်နေရတယ်။ ဖေဖေကတော့ မေမေ့ကိုချစ်တယ်လို့ ထင်ခဲ့မိပေမယ့် တကယ်က သူ့ကိုယ်သူပိုချစ်တာကို တွေ့ရတယ် ။

ဒက်ဒီကတော့ မေမေက မကြိုက်ဖူးလို့ ပြောရတာ မတွေ့ရလောက်တဲ့အထိကို အလိုက်သိလွန်းသူ ။ လာကူပါဦးလို့ မပြောရပဲ မေမေ့ကို စလိုက်နောက်လိုက်နဲ့ ဘေးကကူညီပေးနေတတ်တဲ့သူ။

တကယ်တော့ အိမ်ထောင်ရေးတစ်ခုမှာ အသေးမွှားလေးလို့ထင်ရတာဟာလည်း အင်မတန်ကို ကြီးမားတဲ့ ပြဿနာဖြစ်နိုင်တယ် ။ ငွေကြေးဟာ အဓိကကျပေမယ့် ငွေကြေးနဲ့ ဝယ်ယူမရတဲ့ ဂရုစိုက်ခြင်းတွေ ၊ နားလည်မှုတွေ ၊ အပြန်လှန်လေးစားမှုတွေကလည်း အရေးကြီးသေးတယ် ။

တစ်ခါတစ်လေ သူစီးထားတဲ့ ဖိနပ်ကို မစီးကြည့်ဖူးရင် ဒီဖိနပ်နဲ့ လမ်းဆက်လျှောက်ရတာ ဘယ်လောက် အဆင်မပြေဖြစ်ရလဲ ၊ ဘယ်လောက်နာကျင်နေရလဲ ဆိုတာ မသိကြရဘူး ။

ဒီနေရာမှာ ကျနော် သိလိုက်ရတဲ့အသိ ၊ သင်ခန်းစာတွေဟာ တစ်ချိန်မှာ ကျနော့်ဘဝခရီးလမ်းကိုလည်း အထောက်အကူဖြစ်မှာလို့ ကျနော်ယုံကြည်တယ် ။ အချစ်ချည်းသက်သက်နဲ့လည်း ဘဝတည်ဆောက်လို့မရသလို ၊ ငွေကြေးနဲ့ချည်းလည်းပဲ သာယာတဲ့ဘဝကို မဖန်တီးနိုင်ဘူး ။ အားလုံးဟာ သမမျှတမှုရှိဦးမှ။

ကျနော့်အလှည့်မှာတော့ ဖိနပ်အရွေးမမှားချင်ဘူး ။
ကျနော်ဟာလည်း သူများအတွက် အဆင်ပြေတဲ့ ဖိနပ်လေးတစ်ရန်ပဲ ဖြစ်ချင်မိတယ် ။ သူများစီးနင်းတဲ့အခါ ကျနော့်ရဲ့အတ္တတွေနဲ့ သူတို့ကို မနာကျင်စေချင်ဘူး ။ သူတို့အတ္တနဲ့လည်း ကျနော့်လမ်းခရီး မနှောင့်နှေးချင်ဘူး ။

ဖေဖေရော မေမေရော အသွင်တူတဲ့ ဘဝအဖေါ်ကိုယ်စီနဲ့ ပျော်ရွှင်ကြပါစေလေ။

##မာရင်ရင် • မနုသာရဲ့စာမျက်​နှာ​လေးများ
##SMT-59
Please Follow Me @pocker