Steemit, Antara Proyek, Sedekah, Mita Sedekah ngon Meuseudekah

Halo, peu haba mandum syara meutuah ? Ta meulakee mandum lam keadaan sehat, hana pungo atau peu pungo-pungo droe dan hanjeut keundo untuk Bahagia.

Nyoe postingan, neu baca beu abeh, bek sikhan-khan ngat muphom bek sabe SALAH PAHAM.

Ka hireun teuh seulawet ini !! Fenomena Steemians khusus jih yang na di wilayah Aceh, hana terkecuali penulis nyoe cit karena penulis nyoe pih utok uyok dan meugokgok Aceh man saboh badan. Walaupun ku peugah khusus kon arti mandum steemians yang na di Aceh. Lagee lazem takheun sidroe dua droe. Tapi nyoe payah ta kheun sidroe dua reutoh droe sagai.

Pakon meunoe ka kawoem lon ? Nyoe payah ta tanyoeng keulayi bak si @ned atawa @dan yang po steemit. Peu landasan phon sehingga dijak peugot steemit nyoe ? Bek ta tanyoeng bak awak yang hana urusan bak steemit atawa pemakai steemit sagai contoh jih lagee lon nyoe. Walaupun @ned dan @dan na di peugot aturan-aturan dasar cara maen steemit. Salah satu jih yang ku teupeu bek cok-cok hasil karya gob menyoe hana ta boh nan ureung yang telah geupeugot hasil nyan.

Sedih kuh ku kalon kawoem meunoe moden ka. Bek tapeugah meulempap's kadang agak susah di cerna dan terlalu gasa tapi ta peugah mantong Meuarakatus.

Ta peugah bijak, sebenar jih cit harus bijak. Jadi kiban cara di akhe jameun nyoe yang nama jih meukap-kap sare keudroe-droe kajauet ta hilangkan atawa gaung nyan bekna le di teumeu rasa le aneuk cucoe teuh, nyan pih menyoe Donya Golom Geu Gulong le PO Teuh Allah. Nyan pulang pike bak maseng-maseng aju.

Berpijak Steemit, Antara Proyek, Sedekah, Mita Sedekah ngon Meuseudekah. Jinoe payah ta cerna satu persatu kata-kata nyan. Yaitu, steemit, proyek, sedekah, mita sedekah dan meusedekah. Jadi akan lon cuba uraikan saboh-saboh, dan Ingat uraian yang akan lon peugah nyoe menurut versi lon tuan sendiri.

Hana kujak cok le bak gob karena han ek ku pike dijak ceurapee @cheetah nyan walaupun galak kuh na di upvote le jih. Nyoe menyoe pih biet dijak tok dari gamba. Diyub nyoe akan ku coba uraikan saboh-saboh. Ok yak ta cekidot dan baca beu abeh bek sampe eunteuk ta kajak peusalah faham lom, padahai faham nyan hana di teupeu sapeu.

Steemit adalah bla... bla.... bla..... Menurut lon lebeh awak droe neuh teupeu peu steemit nyan, yang ku teupeu le lon steemit di peugot le @ned ngon @dan. Walaupun na isu ka bicah kongsi antara dua awak nyan. Peu sebab ? Nyan pih payah ta lakee meet up ngon awak nyan untuk ta teupeu yang sebenar jih. Karena selama nyoe dugaan-dugaan saja yang muncul.

Proyek. Ku deungo kata nyan lam pikiran kuh nyan na Buet yang akan menghasilkan Peng. Walaupun singoh na yang rugoe cit.

Peu urusan proyek lam steemit ? Tetap na lah. Menurut nalar lon, Awak maen proyek nyan keuh perte akun Whale-Whale atawa ungkot-ungkot paoh yang arti jih perte awak na peng. Awak nyan sep carong aju dikalon peluang untuk proyek beu jalan dan beu berhasil supaya ngat na laba.

System macam-macam di pake. Na yang tanom saham, na yang investasi, na yang bloe peubloe langsung, na yang peubloe tapi Hana langsong. Macam dum model system yang di pake, yang tujuan jih mandum dari usaha nyan beu meuhase. Sama cit lagee-lagee kontraktor kon proyektor beh beh.

Sedekah. Watee proyek beunoe ka jalan dan kana hasil dari akun Whale-Whale beunoe, maka awak nyan akan dikalon toh ureung-ureung yang tem trimong Sedekah dari awak nyan. Di ngienglah wilayah-wilayah yang memang membutuhkan sedekah nyan dan soe yang jeut dijok.

Yang jelah han dijok sedekah keu ureung-ureung yang lebeh kaya dari jih. Karena bisa jeut anggapan nyan penghinaan atawa pencemaran nama baik bagi ureung yang di keuneuk bi sedekah. Man rata-rata sedekah awak nyan hana yang ikhlas.

Pakon kupeugah meunan teuma ? Karena watee dijok sedekah nyan na embel-embel kon ember-ember yang harus di lakukan oleh si penerima sedekah, menyoe meu langgeh ngon awak nyan, maka sedekah nyan akan dicok bak sot pajan heut jih.

Mita Sedekah. Arti disinoe akun-akun plankton atawa ungkot bileh nyoe dan lon termasuk ureung yang di dalam. Beudoh rame-rame jak bak awak yang dijok sedekah le akun-akun paoh beunoe. Kiban cara ? Nyan jawaban na bak maseng-maseng beh. Bek jak teumanyong bak lon.

Man na cit dan hanjeut ta pungkiri bahwa ureung mita sedekah nyoe hana mandum yang geumeulakee bak urueng laen.

Meuho ?

Jadi meunoe, ta peugah saboh contoh ureung nyoe geu beudoh dari rumoh dengon niet jak mita sedekah, teuma lam perjalanan na ureung kaya yang teungoh Geuduek geu jep kupi sambil baca koran online geujok peng atawa barang keu ureung yang jak mita sedekah nyoe.

Mungkin pemikiran ureung kaya nyoe, karena konsisten that bak geujak mita sedekah tiep uroe atau 2 uroe sigo. Atau geu kalon ureung jak mita sedekah nyan na beda bacut dengan ngon-ngon yang senasib sesama mita sedekah.

Lon misalkan, karena dari faktor baje yang geu pakek atau na geuba sound system ubiet geu gantung bak takue atau na yang ba gitar sambel meu lagu-lagu dan atau-atau yang laen lom. Sehingga urueng kaya beunoe geujok peng dengan geukalon keunikan atau hal-hal yang khas nyan. Geujok walaupun tanpa geu lakee bak gob nyan.

Meuseudekah nyoe yang jareung na lam pengguna steemit. Tapi hanjeut ta peugah hana. Tetap na, dan memang na.

Model ureung meusedekah nyoe, buet geuh bak steemit geu raeh-raeh keudroe geuh bacut-bacut. Na raseuki nyan keuh nyan yang geupuwoe (menyoe hana raseuki peu geuneuk peuwoe man).
Model urueng nyoe

Geujak Ube Lot Punggong, Geuduek Ube Lot Tapak.

Yakin geuh bak geumita, kadang na mrumpok ngon yang senasib geu meu khem-khem keudroe geuh. Sep BAHAGIA aju, geumeutuka-tuka pikiran, geu bahas peu yang perle, geu mita cara agar na hasil bak geu usaha.

Hana rasa iri, hana geujak peungeut gob, hana geujak peukaru buet gob, hana geujak peu bangai ureung karena merasa lebeh carong, hana kheun-kheun keu gob, apalagi neuk proh kanot bu gob. Yang pokok jih ureung model nyoe hana ek geujak peugot droe Meuarakatus.

Man nyoe na geu rumpok ngon yang teungoh tutong lam steemit, kon geu jak sak lom apui lam "leuboe" jih. Akan tetapi geu mita kiban cara apui nyan beu len, bek hu le atau minimal jeut keu Ubiet walaupun kadang agak trep bacut karena ie yang geucok terlalu jauh, tetapi keinginan ureung meusedekah nyoe tetap berusaha nyan apui beu len.

Lam perjalanan sukses gob nyan, jeut keu bahan bagi ureung laen lom.

Sereng ta dengo ureung jameun geukheun termasok lon sendiri pernah merasakan cit. Peu teuma geukheun ? Nyan Hai Gam Watee Rayeuk Keuh, Bek Jeut Keu Aneuk Hana Deungo TUT ! atau Aneuk Hana Deungo TUT.

Karena sok yakin kuh, na yang hana teupeu lom peu maksud kata TUT nyan. Ureung tanyoe Aceh le yang geu singkat haba, keupeu tujuan ? Nyan payah neu mita keudrie, karena lon pih hana ku teupeu.

Ok, TUT nyoe adalah Tutoe Ureung Tuha jadi menyoe hana geu singkat berarti Nyan Hai Gam Watee Rayeuk Keuh, Bek Jeut Keu Aneuk Hana Deungo Tutoe Ureung Tuha atau Aneuk Hana Deungo Tutoe Ureung Tuha.

TUT nyoe kon pih berarti ureung tuha yang betoi-betoi ka trep udep di Donya yang karab geugulong nyoe. Tetapi lebeh kepada peunutoh yang jroh-jroh, peunutoh yang yang na manfaat bagi ureung laen bah pih yang bie peuneutoh nyan lebeh muda lom dari geutanyoe yang deungo tutoe.

Ego geutanyoe cit na, ta surah lom ego nyan keuh nyan nafsu. Nafsu yang meuribee thon geutot ngon apui nuraka segolom geucipta Donya.

Menyoe makalah atau skripsi na kesimpulan jih. Dan neucok keudroe neuh peu kesimpulan jih maseng-maseng beh beh.

Note: Bagi yang tidak mengerti Bahasa Aceh, penulis akan mencoba menterjemahkan ke dalam bahasa Indonesia yang baik dan benar. Dan jikapun ada yang tidak tau kedua bahasa tersebut, penulis akan berusaha menterjemahkan kedalam bahasa Inggris.

Anda juga bisa membaca postingan saya beberapa hari yang lalu. Ek Manok, Ek Canok, Ek Nok, Meulempap's dan Meuarakatee

Sekian @ojaatjeh
Saleum Komunitas Steemit Ban Sigom Donya.