ကျောက်​စိမ်းကမ္ဘာ

in #esteem6 years ago

image
Credit:photo
တရုတ်နိုင်ငံ ရွှေလီမြို့တယ်လုံကျောက်မျက်ရတနာဈေးကကျောက်စိမ်းပြတိုက်ကို ရောက်ခဲ့ပါတယ် ဝင်ကြေးအနေနဲ့ တစ်ယောက်ကိုယွမ်၆၀ မြန်မာငွေ၁၂၀၀၀ လောက်ကျသင့်ပါတယ် ဒါတောင် ၁၂၀ ကနေ ၆၀ ယွမ်ကို လျှော့ထားတာပါ။ကျောက်စိမ်းထွက်ရှိရာကချင်မြေရဲ့တည်နေရာပြမြေပုံတွေနဲ့ တခန်းတနားဖော်ပြထားသလို ဟိုအရင်ခေတ်များဆီက ကျောက်စိမ်းထွက်ရှိရာဒေသမှာ တရွင်းပေါက်တူများနဲ့တူးဖော်ကြပုံတွေကိုတောင်ပုံစံ ကျောက်တွင်းပုံစံ နမူနာငယ်လေးတွေလုပ်ထားရုံမက ပရိုဂျက်တာနဲ့ မြေပေါ်ကိုထိုးပြထားတော့ တကယ့်ကျောက်တွင်းတွေရဲ့ တနိုင်တပိုင်လုပ်ကိုင်ခဲ့ကြတဲ့ ယခင်ကာလများဟာ လွမ်းစရာကောင်းနေပြန်ရောဗျာ။ အခုအခါများမှာတော့ တောင်တစ်တောင်ကို လေး ငါး ဆယ်ရက်နဲ့ဖြိုချယုံမက ချိုင့်ခွက်ဖြစ်အောင်တူးဖော်နေပုံတွေကိုမြင်နေရတော့ နှမြောစိတ်နဲ့ မြန်မာ့ရတနာတွေကို မတရားရယူနေသလို ခံစားခဲ့ရရပါတယ်။ကျွန်တော် ပြတိုက်ထဲမှာကြည့်ရတဲ့ပြကွက်တွေမှာတော့ ကျောက်စိမ်းတွေကို ဆင်တစ်တန် မြင်းတစ်တန် သယ်ယူခဲ့ကြပုံတွေ ပြကွက်တိုင်းမှာ တောထဲကငှက်တွေရဲ့အသံ မိုင်းကွဲသံ တွေနဲ့ထူးခြားအောင်ပြထားတာတွေ့ခဲ့ရပါတယ် ။နောက်ပြီး တရုတ်လူမျိုးတို့ရဲ့ ကျောက်စိမ်းအပေါ်တန်ဖိုးထားမှူကိုပေါ်လွင်စေတဲ့ အသုံးအဆောင် လက်ဝတ်ရတနာ သာမက ပန်းပုရုပ်ပေါင်းများစွာကိုလည်း တွေ့ခဲ့ပါတယ်။တရုတ်နိုင်ငံရဲ့ နာမည်ကြီးပန်းပုဆရာများစွာကို တလေးတစားဖော်ပြထားသလို တန်ဖိုးမဖြတ်နိုင်အောင်ကောင်းမွန်တဲ့ ကျောက်စိမ်း ပန်းပု လက်ဝတ်ရတနာတွေကို မြင်တွေ့ရတော့ ကိုယ့်နိုင်ငံက ထွက်တဲ့ကျောက်တွေမို့ဂုဏ်ယူခဲ့ရသလို ကိုယ့်နိုင်ငံမှာ အလွယ်တကူ မတွေ့နိုင်တော့တာမို့ ယူကြုံးမရ ဖြစ်မိပါတယ်။ကျွန်တော်တို့နိုင်ငံက ကျောက်မျက်ရတနာပြတိုက်မှာပြသထားတဲ့ ကျောက်စိမ်းတွေဆိုတာ ဒီပြတိုက်မှာပြထားတဲ့ ကျောက်တွေကိုခြေဖျားတောင် မမှီတာတော့ ရှက်ဖွယ်ပါပဲ။အဲဒီပြတိုက်မှာတွေ့ခဲ့တဲ့ ပန်းပုရုပ်တစ်ခုဆို အလေးချိန် ၂တန်ကျော်ရှိပါတယ် ကျောက်စိမ်းအရိုင်းတုံးဘဝက ၆ တန်ကျော်အလေးချိန်ရှိပြီး ထုလုပ်ချိန်အချိန်၆နှစ်ကျော်ကြာမြင့်ပါတယ် လက်ရာကလှပသလို တန်ကြေးက မြင့်မားလှတာသိမှတ်ခဲ့ရပါတယ်။အဲဒီလို လှပသေသပ်တဲ့ လက်ရာ ကောင်းမွန်တဲ့ အရည်အသွေး ရှားပါးတန်းဝင်ကျောက်တွေကို အနုပညာလက်ရာမြောက်အောင်ထုလုပ်လိုက်တော့ မူရင်းတန်ဖိုးမှာ အနုပညာပေါင်းစပ်ထားမှူကြောင့် အဖိုးမဖြတ်နိုင်အောင်ဖြစ်သွားတာပေါ့။ ကျွန်တော်တို့နိုင်ငံက ကုန်ကြမ်းတွေထွက်ပြီး နည်းပညာမရှိတော့ အကျိုးအမြတ်နည်းကြတာကို သတိထားမိပါတယ် ကျွန်တော်တို့နိုင်ငံက ကျောက်စိမ်းထွက်ပေမယ့် ဒါမျိုးပြတိုက်မရှိပါဘူး။ ရှိတဲ့ပြတိုက်မှာ အဖြစ်ပြသထားတဲ့ကျောက်တွေရှိပေမယ့် တကယ့်ကုန်ကြမ်းအဆင့်ပါပဲ။ ကျွန်တောတို့တစ်တွေ Value addad မလုပ်နိုင်သေးသရွေ့တော့ ဈေးကွက်မှာ ထိုးဖောက်ဖို့မဖြစ်နိုင်သေးပါဘူး။"သယံဇာတတွေပေါတဲ့မြေ" ဆိုပြီး သီချင်းအော်ဆိုနေယုံနဲ့မရပါဘူး နောက်ကောက်ကျနေမှာပါပ။ဲ ဈေးကွက်ကိုသိပေမယ့် ဈေးကွက်အကြိုက်ကိုမထုတ်နိုင်သေးသရွေ့ နည်းပညာ မရှိသရွေ့ အနုပညာမမြောက်တဲ့လက်ရာတွေပဲထွက်နေသရွေ့ ဒီလိုပြတိုက်မျိုးကို ကြည့်ရတိုင်း ....

တောက်!!!!! ခေါက်နေယုံမှတစ်ပါး .......

P.s ဓာတ်ပုံတစ်ပုံချင်းစီမှာ ပြောပြချင်တဲ့အကြောင်းလေးတွေရှိနေပါတယ်

Sort:  

Awesome post! I like it :) 👍
upvote-bild-fertig.gif
You got an upvote!
For more upvotes follow this account 👊🏼

Coin Marketplace

STEEM 0.28
TRX 0.12
JST 0.032
BTC 67021.12
ETH 3110.50
USDT 1.00
SBD 3.71