Mayakku ............ !

Ini tekit manatku arie aku urang tuwemu mayakku, opoh bajuku ngeluwah arie aku mayakku. Kawou tengah mude kuluwahi sinte amanah arie Tuhente kukite beubewente bunge katie semperne morepmu puren.

Olok di ruwesmu asal lelang ileng nie akalmu mayakku, ken ni tubohmu asal singket ilen pemikermu. Turah pane ko benconto sie jeroh i tonoung ko jeroh orum sudere salah ketik enti dewe tetahi kesalahante katie mulie puren.

Bertotour gelah panei nantu atei ni urang tuwe mayakku, enti sawah kupengei saket natei ni urang tuwe mayakku. Ku ukeun ko berine ku towa ko berama enti sawah mubeda ruwes orom tungku betaleh sie jerohei turah hi timangko.

Soboh terang lawou kami julen ko mahkerul mayakku, ike reduk peh lawou i teuger komi lei hateimu mayakku. Kao turah beloeh munetahi nasep sempernei nie murep tuwahmu bahgie oya ngei igeresen arie Tuhente.

Ini harapanku arie aku urang tuwemu lei mayakku, bahgie mi rowanmu rom doaku ku keremen mayakku. Bugeumu ken seserenen tempatku berlongoh biyer i basehi uren biyer i poraki laoh payung sie kukemangen longoh ngere torun.

Selamat mi beloh asal rouloh noung ateiku mayakku, ijin ngen ateiku opoh bajuku nge beloh mayakku. Bier peh kaou jarak inget tieko kasei ku kaou rerowanmu selalu mi munuju bier peh berperahu intie sawah mubalek.

Ini manat kaou rowanmu mayakku, ini manat kein nemah belouh mu anakku arie aku urang tuwemu.