Vigla vivo en malnovaj muroj

Estas ĉiam plezuro vidi malnovan konstruaĵon plenita per nova vivo. Ne temas pri muzeo tiukaze, sed pri urba biblioteko en bela konstruaĵo. La domo estis konstruita en 1429 kaj renovigita en la 1980-aj jaroj de la pasinta jarcento. Intertempe la domo vidis multajn diversajn homojn kaj aferojn dum sia longa vivo. La du pli malaltaj etaĝoj estas konstruaĵoj en germana stilo kun kudrita kadro. La dua etaĝo estis konstruita en 1594 fare de la tiama posedanto, urbestro Mattheus Weingärtner. La renesanca konstruaĵo montras la elstaran pozicion de la kliento per la orieloj ambaŭflanke de la domo.

()

Vi eniras la domon tra maljuna ligna pordo kun jarcentaĝaj enskriboj. Kaj ene varma atmosfero bonvenas vin. Koloraj libroj en helaj lignaj bretaroj kontrastas kun malhele brunaj konstrutraboj kaj plafono. Kaj kompreneble plivigligas la spacon ĝoja rido kaj parolado de ekcitaj infanoj.

Vi ne nur povas pruntepreni librojn tie, sed ankaŭ kompaktajn diskojn, ludojn por la tuta familio kaj filmojn. De tempo al tempo kulturaj eventoj kiel ekz. prelegoj okazas. Helpema personalo donas bonajn konsilojn koncerne la plej interesajn librojn. Mi jam antaŭĝojas pro la venonta legi-tempo en la biblioteko, kiam malagrabla malvarma vetero koleras ekstere.

**

Kiel aspektas via biblioteko? Ĉu vi ŝatas viziti ĝin?

Dankon pro via legado kaj bonan tagon!