Neniam tro malfrue...

Kiam mi hieraŭ legis la enkondukan artikolon de @narovski, kiu montriĝas kun sia rultabulo, per kiu li trarulis Usonon, mi tuj pensis pri miaj propraj spertoj koncerne ruliloj. Legu vi mem:

Kiu ne moviĝas, tiu rustiĝas! tekstas konata proverbo. Kaj aĝo ne estas preteksto por mensa kaj korpa lacigo. Kun tiaj pensoj en kapo mi mendis al mi paron da liberliniaj rulsketoj. Temas pri unu el la plej novaj sportigaĵ kreaĵoj, kiuj uzeblas same kiel kutimaj rulsketoj, nur ke ili ne estas rekte ligitaj al la piedoj. Vi staras sur du pladetoj dum via propra pezo kaj balancita movado zorgas por tio, ke vi ne defalas de la rulsketoj. Via movado celas ne rekte antaŭen, sed flanken. Estas serpenta movado. Se vi sketas tra flako, estiĝas du ondolinioj sin tranŝantaj. Ĉe la unua provo vi eble pensas, ke vi neniam kapablas eĉ stari sola sur tiaj strangaj ruliloj, sed iom post iom vi gajnas memfidon kaj via korpo obeas viajn ideojn fari kion vi volas.

Kaj tiam la aventuro komenciĝas; sed ne hastu kaj malatentu, ĉar vi bezonas sufiĉe da ekzercado por libere kaj  paceme sketi.

Dankon pro via atento. Havu bonegan tagon !