Bhasa sikhne aur sikhaane ke liye

Hello Dosto, Apni pichli post me maine aap ko franchisee ke baare me bataya tha agar aap ne meri post padhi hai to sahi hai agar nahi padhi hai to padh lena aap ke kaam ki post hai. Aaj main aap ko kuch alag chij bataunga. Agar aap ko English aur Hindi dono achhe se aati hai to aap ko meri ye post padhni chahye. Agar aap bhi part time karna chahte hai aur ye dono language aap ko aati hai aur aap ek teacher ki tarah language sikhaa sakte hai to aap ko meri ye post padhni chahye.

img src

Bahut se aise log hai jinko hindi nahi aati apna India hi lo yaha pe south India me kuch hi logo ko hindi aati hai aur sirf unhe jo north india se udhar jaate hai. Iss ke alawa Russia ke log China ke log America ke log bhi Hindi sikhne me ruchi rakhte hai wo log India ghumne aate hi rahte hai iss wajah se wo log bhi hindi sikhna chahte hai.

Aaj main aap ko bataunga ki kaise aap Hindi sikha ke paise kama sakte hai. Jiss ko Hindi sikhna hai wo to aap se sikhega hi lekin iss ke liye aap ke pass internet connection hona chahye aur skype hona chahye tab hi to aap usko sikhaaoge hai ki nahi. Main aap ko kuch E-learning website bataunga jaha aap ye kaam shuru kar sakte hai. Fir chaliye to shuru karte hai. 

Sab se pahle ye site.

Website  :  www.italki.com 

Ye kaafi badi site hai aur aap ko pata hai iss me 10 hazar se bhi jyada teacher hai aur kayi saare language iss me sikhaaye jaate hai. Agar aap ko in dono language ke alawa koi aur language aati hai to fir aap ke liye aur bhi achhi baat hai. Aap wo bhi sikha ke yaha se achha paisa kama sakte hai. Aap website check kar sakte hai ye website kaafi famous hai aur top par hai. 

Mujhe bhi English sikhna hai wahi se mujhe ye site mila hai. Meri English jyada achhi nahi hai iss wajah se main Hindi me hi post likhta hoon lekin albhabet english rahti hai. Lekin mujhe hindi to english sikhna hai aur iss me maine search kiya aisa koi teacher nahi mila mujhe jo hindi to english kar ke sikha sake. 

Khair agar apa ko koi language sikhni hai to ye ek achha option hai. Class karne me dikkat ye hai ki bahut log rahte hai aur waha sikhaane se jyada sirf bakaiti hoti hai iss wajah se ye ek achha option ho sakta hai. Aisi hi kuch aur website ke baare me mujhe pata chala hai lekin uske baare me main aap ko apni agli post par bataunga warna ye post bahut jyada lamba ho jaayega. Isliye meri aap agli post jarur padhna.