放題真係史上最啱男仔食嘅嘢 唔單止多選擇，仲可以一個價錢食到飽！ 不過雖然好多時男仔食嘢其實都係為填飽個肚居多（女仔又要影相靚、又要好食...） 但當日好食嘅放題係會加分啦！ 今次同女朋友嚟食JK Brother's， 其實有少少屣錢😂 因為女仔畢流都食得唔多嘢，但又要起勢咁嗌， 結果好多時都係我負責清枱～ 好彩呢度件件嘢都唔會太大碟，等你可以咩都試少少，過足癮！

本身我就好鐘意食炸物， 又食過幾間放題嘅炸物都麻麻哋， 所以都只係諗住叫少少小試牛刀， 但點知又幾喜出望外！ 上枱時真係熱辣辣得嚟，入面要流心嘅有流心，仲要唔會食到成口油！

刺身我就一定會叫三文魚！ 呢度啲三文魚都好大件好肥厚， 食幾件就已經好滿足～ 而其他嘅魚生好似鮑片、帶子咁， 都鮮味得嚟又彈牙（你知啦帶子唔新鮮，啲肉係會霉霉哋the the 哋咁）

壽司就叫咗啲芝士火脊壽司， 我就好鐘意燒咗嘅芝士味夾埋鰻魚同長腳蟹嘅味啦！

另外我都好欣賞個凍豆腐， 佢上面淋咗日式芝麻醬， 好開胃， 啱晒食完炸物同壽司， 飽飽哋嘅時候食。

青瓜微酸微辣， 一樣都係開胃菜嚟， 食放題中途食碟呢啲真係幫助咗唔少😂😂

雪糕櫃入面好多款唔同嘅雪糕， 但我就揀咗呢款抹茶紅豆， 老老豆豆真係幾好味！！ 整體嚟講呢度都坐得舒服嘅～ 食物上得快， 生嘅嘢食新鮮， 熟嘅食物食得出有心機烹調， 唔會係因為放題就hea做， 值得再戰！

商店名稱：JK Brother's
商店地址：尖沙咀彌敦道180號寶華商業大廈3樓

Please upvote, resteem and follow @steemitowner!

請投票支持，轉發及追蹤 @steemitowner！

Want to know more about me?
Please take a look 👉 My Introduction
想認識我更多？
請看一看 👉 自我介绍