大鱷想點玩呢?!

昨晚心思思，好似有件事，手痕痕查找一些Retails corp.，結果一口氣Cap埋6幅圖，讓大家參考。原於Sears有則報導，睇到都少少心寒，請大家自己去感受，圖表給予的啟示！

第一幅是Home Depot，股價兩度衝破200大關，如今無以為計，回頭吧；而Lowe’s Cos.和Costco Wholesale Corp.都八八九九成個餅印咁，都咪話唔驚！最硬淨似Costco，不過，族長直覺衝入去做空軍，大好時機喎，搏未來大冧檔或19年第一季，跌回$200，睇淡一點見$175，用option也好不妨一試（風險自己管理喎！），悲觀預測穿$150亦不意外。總之唔多妥啦！

再望一望，NAS 100幅20年圖，有點嚇親，竟然拋離條SMA 50咁遠，誇了少少喎！族長take a close look 5年圖，在16年至18年個市才是正式發神經，按一般情況重回起步點都係正常的慣性，大概在4,800~5,000區域。5年圖觀察，NAS 100在15年12月舞龍至16年7月，才正式起飛，假設在5,000點起步，在8月底前高位見8,100，升了3,100點，調整浪亦大過0.382，估計納指要回一半則是6,550。族長直覺唔多似樣，可能連0.618都唔夠囉，見6,000會是第一站。而5年圖的SMA 50在5,874~58，近磅啦！

族長依然心多多，再淡一點，圖中綠色框的區域，唔知會否太悲觀嗎？不過，從YouTube睇Google CEO Sundar Pichai的表現，有點嘔心，都幾爛喎！他的樣子不算乞人憎，可惜遊花園的技兩太差勁！有冇高手，查找Google背後班怪物是何方神聖?!神秘感極重，加上同土匪行得咁埋，都唔妨好嘢，請各方高人出手相助，查過水落石出，起碼得個知字，都死得眼閉！

一年又過，埋尾啦！族長是大鱷會做點咩?!直覺驅使下，借頭借路一腳踢散個市，玩一鋪跳樓機，free falling（插一棍下去，點都做個跳崖動作），讓過年流流有話題嘛！前文〈... 全球迎接去「鬼國」化〉預告了，唔知在年底前出現呢?!

查過通經，謎信一次咁多，21日、26日及28日都是唔老黎的日子，大家認真要提防！若21日發生，就即係連捱埋過冬都唔得，大災年應現了?!