平安過冬
George H.W. Bush仙遊，注定了整個G20會失焦和草草散場。當然有頭有尾，跟手「拿嗱聲」搞記招，噏兩噏讓大家對着鏡頭，點個頭，笑吓及講D嘢就收工，免得搞到下雨收柴咁嘅款，樣衰嘛！
族長悠悠閒閒的讓FB、媒體及網友搶先講嘢休戰，暫緩、舒緩，拖多90日，唔加碼（讓步），談判成功啦等……接着個市轉穩／上落玩Range都有人講……總之，膠化程度去到無事發生的境界。族長直覺一般「豬豬」的智力或對關稅戰的觀感，嘈一陣就會過，為錢啫，連一班政棍亦同一口徑，似乎八八九九無事啦，個隻四四六六拆掂佢，錢銀嘛！
還有政棍說借G20華麗轉身，兼齊齊完埋場show的言論……好了！先G.Bush仙遊；阿拉斯加7級地震；GM連執5至7間廠，除了中國之外；何志平案提早完結，比預期快（結案陳詞），還有Trump正式終止Nafta。當然俄國與烏黑蘭的開拖，唔再數啦，夠了吧！重點是Trump已經贏了，要非常小心去執行，才是關稅戰最難的部份，徵稅10%加碼至25%，只是緩刑90日，絕不是讓步。
本地主流不可報衰嘢的，鋪鋪都是倒轉講，呃D豬豬無後果啦！既可交差，又扮做嘢，過得一日得一日囉！
Trump／白宮不會硬膠起來，落首領面，原因攻城需要時間，在不同渠道上，立即收割及進佔城池等的工作，非常費時及轉守為攻，才有望在5G未來通訊產業捷足先登，亦不讓土匪獨攬主導地位。族長指的高通（Qualcomm)收購NPX Semiconductors）單嘢，一來一回，計落拖90日啫，即攻佔一城池，奪回科技主導權是策略上的互換，沒有讓步，只是搶回比錢更重要的陣地！
回說市況，有網友連番追問，Dow已突破阻力，會升及上望保力加通道頂添！圖日綫圖先，反彈不出奇，重點是一浪低於一浪，若下星期指數無法衝破25,750或258xx之上，後市則依然疲弱，不寄厚望。相反指數踩油上，並企26,000才有條件繼續向上。
但族長個人觀，感指數上升動力不會太強，加上大家不要忘記 December 最後一天是4期結算的日子，而且X’MAS開開心心渡過啦，為何要搏命呢?!贏好多嗎？抑或輸唔切咩？
歡渡節日，祝願大家平平安安過冬至，無驚無險的捱過大災劫的2018年嘛！搏命等下年都唔遲啫！