ᎡᎶᎯ ᏄᎵᏍᏔᏂᏙᎸ ᎧᏃᎮᏍᎩ - ᎠᏯᏙᎸᎢ 3

ᏦᎢ ᎢᎦᏛ ᏱᎩ ᎡᎶᎯ ᏔᎵ ᎢᏳᏓᎢᏛ ᎨᏒ ᎠᎹᏱᎭ ᎤᏭᏝᎠ ᎡᎶᎯ ᏥᎦᏗᏍᎬᎩ. ᎯᎠ ᎾᏍᎩ ᎠᎹᏱ ᎨᏒ ᎠᎹ ᎤᎶᏥᏛ ᎡᏉᎯᏳ ᎥᏓᎸ, ᎠᏎᏃ ᎢᏴᏛ ᏕᎨᏌᏗᏒ ᏧᏓᎴᏅᏛ ᏚᏙᎠᏗ.

I HAVE said that about two thirds of the face of the earth are covered with water. This water is one vast salt sea, but to different parts of it we give different names.

ᎾᏍᎩᏃ ᏳᎶᏈ ᏚᏙᎥᎢ ᎠᏂᏃ ᎠᎺᎵᎨ ᏚᏙᎥ ᎠᏰᎵ ᏧᏩᎫᏗ ᎠᎺᏉᎯ, ᎡᏓᎴᏂᎩ-ᎠᎺᏉᎯ ᏚᏙᎥ, ᎠᎴ ᏦᎢ ᎢᏯᎦᏴᎵ ᎢᏳᏟᎶᏛ ᎾᏯᏛᎥ, ᎠᏂᏃ ᎠᎺᎵᎨᏱ ᎠᎴ ᎡᏏᏱ ᎠᏰᎵ ᏧᏩᎫᏗ ᎤᏓᏥᎾᏍᏛ ᎠᎺᏉᎯ ᏚᏙᎥ, ᎠᎴ ᎠᏍᎪᎯ ᎢᏯᎦᏴᎵ ᎢᏳᏟᎶᏛ ᎾᏯᏛᎥ.

ᎠᏗᎾ ᎤᏣᏔ ᎢᏳᏓᎴᎩ ᏚᏙᎠᏗ ᎤᏣᏗᏂ ᏕᎨᏌᏗᏒ ᎾᏍᎩ ᎯᎠ ᎠᎹ ᎤᎶᏥᏛ ᎠᎺᏉᎯ ᎥᏓᎸᎢ.

That part which lies between America and Europe is called the Atlantic Ocean, and is about three thousand miles wide; that part which lies between America and Asia is called the Pacific Ocean, and is about ten thousand miles wide. There are many other names given to other parts of the great salt sea.

ᎢᏥᎦᏔᎭᏉᏃ ᏥᏳ ᏤᏆ ᎾᎿ ᏕᏙᎲᎢ, ᎾᏍᎩᏃ ᎯᎠ ᏂᎦᎵᏍᏙᏗᏍᎪ ᎤᏣᏘ ᎦᏃᏙᏗ ᎬᏩᏂᏃᏔᏂᏓᏍᏗ ᎨᏐᎢ. ᎠᏎᏃ ᏴᏫ ᎤᎧᏲᏛᎯ ᏣᏁᎦ, ᎾᏍᎩ ᎢᏳᏍᏗ ᎯᎠ ᏨᏓᏥᏃᎮᎸᏂ ᎤᎦᏲᏛᎯᏉ ᎨᏒ ᏄᎵᏍᏓᏂᏙᎸ ᏓᏥᏃᎮᎵ.

Ships, as you well know, sail from one country to another upon the water, and in this way a great deal of trade or commerce is carried on. But as mankind live on the land, my stories will chiefly relate to what has happened on the land.

ᎠᏎᎨᎵ ᏣᏛᎦᏅᎯ ᏱᎩ ᏅᎩ ᏄᏓᎥ ᎡᎶᎯ ᏣᎾᏗᏍᎪᎢ. ᎯᎠᏉᏍᎩᏂ ᏄᏍᏗ ᎠᏂᏛᎪᏙ, ᎠᎺᎵᎨ ᎠᎹᏰᎵ ᎨᏒᎢ, ᏳᎶᏈᏃ ᏚᏙᎥᎢ, ᎠᏂᎬᎾᎨᏍᏛᏱ, ᎡᏏᏱᏃ. ᎤᏣᏔᏗᎾ ᎠᏏ ᏭᏩᎫᏗ ᎦᏓ ᏚᎦᏚᏓᎾᎠ ᎠᎹ ᏚᎵᏚᏫᏍᏗ, ᎾᏍᎩ ᎯᎠ ᎠᎹᏰᎵ ᏓᏃᏎᎰᎢ.

I suppose you have heard people speak of the four quarters of the world. By this they mean America, Europe, Africa and Asia. Besides these, there are a great many pieces of land encircled by water, called islands.

ᎤᏓᏥᎾᏍᏛ ᎠᎺᏉᎯ ᎨᏒ ᏰᎵ ᏚᏣᏔ ᏚᎦᏚᏓᎾᎠ ᎠᎹᏰᎵ, ᎠᎴ ᏴᏫ ᎾᎿ ᏓᏁᏩᏗᏒ ᏰᎵ ᎤᏂᏧᏈᏍᏗ. ᎾᏍᎩᏃ ᏅᎩ ᎢᎦᏛᎯ ᏥᎩ ᎡᎶᎯ, ᎯᎠ ᎠᎹᏰᎵ ᏕᎨᏌᏗᏒ ᎯᏍᎩᏁ ᎠᎬᎭᎸᏛ ᎤᏂᏰᎸᏐᎢ, ᎠᎴ ᎣᏏᏯᎾ ᎠᏃᏎᎰᎢ.

In the Pacific Ocean there are many of these, the inhabitants of which are very numerous. These islands are considered a fifth division of the world, and are called Oceania.

ᎾᏍᎩᏃ ᎯᎠ ᏨᏓᏥᏃᎮᎸᏂ, ᎯᎠ ᎾᏍᎩ ᏄᏓᎥ ᎡᎶᎯ ᏄᎵᏍᏂᏙᎸ ᏓᏥᏃᎮᎵ. ᎠᏎᏃ ᎣᏍᏛ ᏦᎵᏍᏗᏱ ᎯᎠ ᏥᏃᎮᏍᎬ Ꮹ ᎤᎵᏍᎨᏛ ᎡᎶᎯ ᏗᏟᎶᏍᏔᏅ ᎪᏪᎵ ᏣᎪᎵᏰᏗᏱ, ᎾᏍᎩᏰᏃ ᏣᏙᎴᎰᎯᏍᏙᏗ ᎾᎿ ᏕᎨᏌᏗᏒ ᏥᏃᎮᎸᎥᏍᎬᎢ.

Now what I am going to tell you has happened in these different parts of the world. In order to understand my stories, it is necessary you should look over the maps which are here given. These will show you where the different countries are, about which I am going to speak.