Masa masa eseude

bacut lon rampoe na saboh kisah
Yoh manyak mirah jameun sikula
Yoh masa ubit polem Polem piadah
Cukop meupuep dah dengon Cek Tala

Sabe tiep tiep thon han tom ji ek glah
Sabe tiep sa'ah di kelas lima
Pakon lagenyan nasib ngon tuwah
Sebab han ek glah tamat sikula

Rakan geuh laen ka duek kuliah
Lage Apalah kajeut sarjana
Teuma di polem mantong tijik tah
Dlm kerutah buku beulaja

Wate cok rapot nilai dum mirah
Hantom yg na pah Ta eu di angka
Di matematik dgn sejarah
Hanpue tapugah geutu oh hana

Na ulon tanyong tentang sijarah
Pajan phon sa ah prang di kuala
Laju geu su ot ngon lihai bagah
Yoh mate gajah sideh lam rimba

Sa tamah sa padum keuh jumlah
Geupugah siblah ta pudong dua
Meunyo pue la en peulom ta pugah
Yg carong lupah peukaru dara

Kon ka neutu oh apa lam lipah
Akai pih ganah hana sa dua
Sabe ceurumen pasoe dlm glah
Peuduek le bak pah jak lhoh lhoh atra

Lage kak Minda pernah meuramah
Ka keunong peutah wate meubaca
Tingoh lam dawok kak minda ceudah
Polem piadah teurupong sigra

Geukhem that rayek ckp meu hah hah
Rupajih mirah merek semangka
Sayang that bacut bak sagoe beukah
Meu ek tok siblah seunalop bada

Meuban kasep troe geukalon puah
Kaca ji rupah oleh cek tala
Bak rupah kaca jitume bukah
Geuthe le bagah oleh kak minda

Meuban geutupue ka meu nan ulah
Geulapor bagah nibak kepala
Geubri le info nibak wali klah
Yg cubueh juah pak Pawang Tuha

Bapak le geujak masok dlm glah
Pangge le bagah polem cek tala
Bak bule cet cet geulinyueng mirah
Hukoman ulah bak pawang tuha

Alahai nyak lem ckp that parah
Meubago ulah katem keurija
Bak buet yang kon kon galak silumpah
Ckp that ganah manyak baroesa

Yg bek keuh tayue bak buet meutuwah
Gense kapatah oh dekte imla
Tayue meuhafai jak rabe gajah
Ka saban parah dgn si tala

Meunan di guru dlm madrasah
Padum na sosah nibak peu eja
Karab si sunut hana tom ek glah
Bagoe keukarah mise teumbaga

Ka sep keuh dile haba lon peugah
Bukon lon fitnah tapi cit nyata
Meuhan neupateh haba lon peugah
Neutanyoeng bagah ba Pawang tuha