KEUNEUBAH CHIEK TU

Meukru seumangat hai putroe di yu
Si tungkoi meulu bungsu teu rihon
Wate ta ingat hate teu rindu
Manyoh ban miseu lupie ban ie mbon

Sira lon duek duek diyub keulayu
Ranup sigapu kupot lam nudon
Ikat sigeucai yg goet goet laku
Puwo keu tgk seulaseh keubon

Meunan sikada yg na sigutu
Jino lon buhu keu bhah rukok on
Padum na tingat piasan euntu
Yg lagak boh ru si teuku ampon

Masa yoh dile jithe sigutu
Rata sibuju palet rukok on
Masa go lom na panamah samsu
Rata dum ta eu on palet balon

Masa yoh meugah gambe ngon gapu
Masa meusyuhu bada boh sukon
Sinoe ngon sideh golom na candu
Wale ceurutu lipah pucok on

Yang lumpah gura di apa abu
Di gob nyan karu dgn si manson
Sebab jiganto ganja lam ceunu
Ule meu hantu ka geu meudukon

Yg saket igoe cit apa mad nu
Wate alheuh bu ule meu hayon
Sebab tan keunong bakong nek bunsu
Karoh lam dapu gobnyan meu panton

Meunan ka meunan wahe e tgk
Rata meusyuhu wate saboh thon
Masa meuganong pih cukop lucu
Di dlm candu jipaso racon

Awalon teumieng troh panton labu
Sampoe lueng putu sampoe u bubon
Rata daerah masanyan karu
Urueng meucandu dgn rukok on

Jamun meu ubah kuda cot iku
Jilumpat alue lingka peunuron
Katinggai kisah bak nektu nektu
Hana le hayue jinoe rukok on

Balot sibak