IE MATA BAYEUN

Uroe that suum meunyum han ek le.
Reudoek puncak gle meuharap ujeun.
Di meusu tam tum meugeudum hate.
Sangka hana le mawoeng puteh pleun.

Meukeuneuk gadoh saboh srikande.
Meuwap lam bate iemboen keurajeun.
Geuneuk peureuloh yg jroh seumike.
Laen peureute geu tarek bak leun.

Dalam seuleusoeh tuboeh peureule.
Meuri weuh hate keu keumbei buleun.
Meuneu'en haloeh tumboeh jeut mate.
Rasa geu peu cre seumalo bayeun.

Geuneuk peu teuwo mawoe seurungke.
Dilei phoen lahe gaseh meulinteung.
Mantong bak jaro geu gilho sabe.
Ie mata di le lam meuteung bayeung.

Lam ie teurajah mirah meu ble ble.
Pucoek beu hase meugisa cabeung.
Meucok meunalah lam salah pike.
Geu sayang pade meubalek jangeun.

Ho ka sinyak...kuneuk lakei lipstic bacut..bek thoe that bibi teuh....

follow @hendrasnd