Ca-e Kisah Masa Nabi Daod
Judul : HANA LAGEE GEUPEUGAH
Salam 'alaikum warahmatullah
Saleum ukhuwah hormat ulon beot
Suci ngon pujoe milek Poetallah
Salam wa Shalah keu Nabi keuchot
Pajan keuh watee boh timon taplah
Meungkon watee grah teuntee that patot
Lon neuk meurika Latih meumadah
Keu ca-e kisah bak masa Daod
Kalheuh meutuleh dalam risalah
Lon cuba tarah ulon ci bapot
Bak saboh uroe Khalifatullah
Jamee katroh sah meunan teuseubot
Didalam rumoh nabi meutuah
Malaikat Allah kana bak sudot
Cuma hana neuh nibak sahabah
Meunan geupeugah kisah talanjot
Malek Izrail malaikat Allah
Geubuka babah laju bak Daod
"Tinggai 6 uroe, Umu sahbat kah"
Lheuhnyan ju bagah jawong kucabot"
Di Nabi Daod teukijot leupah
Hana geupeugah takot jeut ribot
Meutuka uroe sahbat tan reubah
Khalifatullah muka meuri krot
Peukeuh izrail salah geupeugah
Jawong disahbah tuwoe geucabot
Bak saboh watee tron lom malaikah
Keubit cukop pah lam hatee Daod
"Wahee malaikat baci neupeugah
Pakon sahabat umu ka lanjot
Dari 6 uroe jai that ka leupah
Ka 6 buleun pah hitongan surot"
"Meunoe hai Nabi waya khalifah
Tuwoe lon peugah wahee e Daod
Umu digobnyan ka Allah tamah
Uwap seudeukah Lee Tuhan maqbod"
"Watee jiteubit nibak pintoe kah
Laju ka leumah Ureung that lanjot
Umu ka tuha lagi that sosah
Mita seudeukah ka leumoh atot"
"Sahabat gata meuderma bagah
Kareuna Allah hatee geubalot
Maka bak Tuhan laju geulimpah
Umu meutamah hingga ka lanjot"
"Phon bak Lauh Mahfudh meutuleh jeulah
Bak 6 uroe sah jawong kucabot
Teuma kugisa kajeut meu ubah
60 thon sa'ah Allah peulanjot"
Meuban geudeungoe meunan peuneugah
Daod pih jeulah hana lee seupot
Jinoe tapikee dari nyan kisah
Meungpue mau'idhah nyan jeut taceugot
Baci neupeuthei samboeng ngon madah
Mangat meutamah bandum lon kawoet
Akhirul kalam lon lakee meu'ah
Dipat hanapah atau han patot
Luar biasa bang hendra menyoe bak meupuisi hahaha mantap bang @hendrasnd
Congratulations! This post has been upvoted from the communal account, @minnowsupport, by hendrasnd from the Minnow Support Project. It's a witness project run by aggroed, ausbitbank, teamsteem, theprophet0, someguy123, neoxian, followbtcnews, and netuoso. The goal is to help Steemit grow by supporting Minnows. Please find us at the Peace, Abundance, and Liberty Network (PALnet) Discord Channel. It's a completely public and open space to all members of the Steemit community who voluntarily choose to be there.
If you would like to delegate to the Minnow Support Project you can do so by clicking on the following links: 50SP, 100SP, 250SP, 500SP, 1000SP, 5000SP.
Be sure to leave at least 50SP undelegated on your account.