Sitti meukawen, polem ngon apalah kliek lam peurde pisang...

Madueng keudidi di pucoek bangka
Mate cem pala,lam peurde lipah
Loen sambong rawi,atra barosa
Apalahdaya,ngon lem piadah

Keu hai dek sitti,yang ka duek pesta
Meutamah lom jra,polem piadah
Han ek le bu ie,karna keucewa
Siminggu yg ka,geuthun duek ngon grah

Cukop gura hi, ka ta eu rupa
Tinggai cit rungkha tacukeh reubah
troh imformasi,dari cek tala
polem di kuta,meutamah parah

Panton u widi,geujak jak gisa
Geupugah haba,ngon ngon keurutah
Geusoek leuweu li,model raya pha
Ngon baje monja,kabeukah beukah

yg leupah gawat,wahe pemirsa
Hana pre masa,lagu bak abah
Oh geumeunyayi lagu india
tum ne dil zara,hamko ki sarah

Meunyoe lheuh kupi,citka biasa
cukop meurasa,rukok bak abah
Takubah siat,keu polem kuta
ta eu cerita,kiban ka bang lah

Apalah daya laen lom gura
Tan le di desa,uloen dingoe gah
Gobnyan kageujak tamong lam rimba
seubap keucewa ngon sitti sarah

Alasan male geuduek di desa
umu katuha peut ploeh thon leupah
adak na sitti ureung geu cinta
Kagop poe atra,ateuh peuratah

Tiep uroe geu kliek apalah daya
Sampe kelua,ie mata darah
Cok keputusan tamong lam rimba
geumita mantra,dukon meurajah

Geunuk peukunong beu gila gila
Beu ek jigisa adek ti sarah
Kasep nyoe dile oh noe meumada
bak voll ketiga nanti kutamah

follow @hendrasnd