Ca’e Atjeh

Hana Meujan Kawen Sabe Dikoeh Lipeh Le AVANZA

Rincoeng meu ukei tajam that mata
Bacut meuraba langsoeng meu cureh
Jantoeng meulinde hate ka luka
Jie beudoeh tanda urat meu gareh

Ngeri ngeri,,,

Adek bohate yg ulon damba
Ka gob po jeumba laen di sideh
Wate lon ingat saket lam dada
Ureng lon cinta kisah ka abeh

Pakoen meunan,,,?

Hantroh meu sampo lam rumoh tangga
Kana keundala tuka meu langgeh
Na sidroe duda yang kaya raya
Dengoen AVANZA geujak koeh lipeh

Kapalo hai,,

Jurus geu goyang INUL DARATISTA
Hingga teugoda cut adek puteh
Jitem laju hubungan cinta
Geu klep-klep mata meunoe ngoen meudeh

Hhhhhhhhh gawat bit,,,,,

Wate lon pike cara logika
Aneh bit gura apa gampoeng jeih
Di dalam hate ulon choek sangka
Adek lon cinta keunoeng pengaseh

eik nyoe teuman,,,,,,?

Maka meurawe di peugah haba
Na baca - baca apa beurandeh
Tiep uroe sabe han pre geu ba ba
Pakat beulanja jak blo - blo kuweh

Loe peng geuh apa nyan,,,,

Barokoen keu lon sabe di cinta
Janji meu pesta lon woe roet blah deh
Jinoe laju lei di balek haba
Hubungan cinta di peugah kabeh

Paleh bit nyan,,,,

Meu groep - groep bacee lam babah meuruwa
Teukejoet kadra di catoek bileh
Cinta hana lei ka putoeh dua
Meu puseng gisa sayang ngoen gaseh

Ooo ma'e teuh,,,,,

Mandum ka cre bre rindu lam dada
Hubungan cinta di tuka pileh
Ka oeh no sampo nasib lon rasa
Cit ka biasa dada meu cureh

Kob Weuh teuh lagee nyan,,,

Oeh no meusampe haba lon rika
Malam ka jula ulon meujak eh
Nyoe na teupeh hate meu sinde haba
Meuah lon pinta bak mandum wareh

Jeut hana pupu,,,

Kasep meumada bak ulon rasa
Menyoe lon rika cit han meujan beh
Teuma singoeh atawa lusa
Bak Vol keu 2 lon tuleh beu abeh

                                     ,,,,,,,SEKIAN,,,,