Shuru kare school bag ki factory
Hello Dosto, Aaj main fir se aap ko ek business ke baare me bataane jaa raha hoon. Ye business bahut sahi hai aur achhe se marketing ki jaaye to mast kamayi ho jaayegi aap ki. Main school bag banaane ki business ki baat kar raha hoon. Bachho ko to school bag chahye hi hota hai pahle wala jamaana gaya jab jhola me book leke jaaya karte they bachhe. Aap sayad vishwas nahi karoge main bhi bachpan me jhola me book leke jaaya karta tha padhne ke liye.
Ab aaj ke bachhe thodi na jhola leke jaayenge aaj kal sarkari school me bhi koi jhola le kar nahi jaata hai. Kyo sahi bol raha hoon ki nahi main aaj kal sabhi bachhe bag leke jaate hai aise me school bag banaane ki factory laga sakte hai aap aur April mahina bhi aanae wala hai iss time batch change hota hai school ka sab naye naye bag lete hai naye class me jaate hai tab. Aise me aap ka business achha raftaar pakad sakta hai. Chaliye aaj main aap ko iss business ke baare me details me bataunga sab kuch.
Kitna paisa se shuru hoga
Koi business karne se pahle dimaag me sab se pahle yahi baat aati hai ki kharcha kitna hoga. Kitna paisa lagana padega iss business me. Chaliye main aap ko batata hoon ki iss business me aap ka kitna paisa lagega. Iss business ka project report sarkar ki ek agency ne pahle hi taiyaar kar rakhi hai iss wajah se jyada tension nahi hai.
Samajh lijiye ki aap har saal 15k bag banaane wala unit lagaate hai. Project report bhi isi ke hisaab se banaayi gayi hai. Iss me aap ko 12 lakh se thoda kam investment ki jarurat padegi. Iss me aap ka machinery ka sab chij hai aur 3 mahine ka working capital bhi include hai.
Jagah kitna chahye hoga
Ab factory lagana hai to fir jagah to dekhna hi padega. Waise agar gaaon ilaka me bhi aap iss ka factory lagaate hai to sahi rahega udhar jyada kharcha bhi nahi hoga aap ka. Apna jameen hai to fir bahut jyada achhi baat hai. Iss factory ke liye lambi chodi jameen ki jarurat pad sakti hai isliye jameen dekh le.
Kitna hoga aapka income
Ab baat karte hai income ki jaisa ki maine aap ko 15k bag har saal produce karne wala plan bataya hai. Total laga aap ka 12 lakh rupya aur maan lijiye ki agar aap ek bag 150 rupya me bhi sell karte hai to kitna jyada faayda hoga aap ko har saal. Waise to bag ki kimat 400-500 rahti hai aaj kal lekin bargain karo to 250 me mil jaati hai lekin aap to khudra me nahi bechoge aap to wholesale me bechoge to aap ko thoda sasta me dena hoga isliye 150 rate sahi hai. Ab faayda aap khud hi dekh lo ki kitna hoga.