Dusro ko dekh kar paisa lagana sahi nahi

Hello Dosto, Kal maine aap ko trading ke 2 jaruri tips diye they. Aap ne mera pichla post padha hai ki nahi padha hai? Agar nahi padha hai to koi baat nahi. ( Ye niyam jarur follow kare ) Aap yaha par click kar ke uss article ko padh sakte hai. Iss me maine important 2 tips diye hai isliye iss ko jarur padhna aap. Chaliye aaj aise hi kuch aur tips dunga main aap ko jo trading me aap ko apnaane chahye. 

Image Source inc.com

Main koi professional trader nahi hoon. Main bhi stock trading sikh raha hoon. Aur jo bhi tips mujhe ab tak pata chale hai jo bhi bade trader batate hai main unki baato ko follow karta hoon. Aur aap ke saath wahi sab chije share kar raha hoon. 

Kisi ko copy kar ke na le share. 

Kabhi bhi aap dusro ko copy na kare, Mera kahne ka matlab hai koi banda ek share me paise laga raha hai to jaruri nahi ki aap ko bhi uss me lagana chahye. Chaliye ek example de kar samjhata hoon. Ram aur Shyaam dono dost hai, Ram ne ek share kharida fir Shyaam sochta hai ki chalo yaar ye kharid raha hai to main bhi kharid leta hoon. 

Lekin bhai aisa nahi karna chahye kisi ko iss tarah follow kar ke aap safal nahi ho paaoge. Aur kayi baar loss ka saamna karna padega. Iss se achha yahi hai ki aap khud se analysis kare aur kisi badhiya share me apne paise lagaye. Na ki dekha dekhi laga de. 

Dividend dene waali company hoti hai sahi. 

Dosto bade bade expert ka kahna hai ki jo company samay samay par dividend deti hai wo company jyada behtar hoti hai. agar koi company sahi dividend de rahi hai iss ka matlab hai ki uske pass cash ki koi kami nahi hai. Isliye aise company dubne ke kam chance rahte hai aur adhik chance profit dene ke rahte hai. Isi wajah se hamesha wahi company me paisa lagaye jiss me regular basis par dividend mil raha ho.