Si Ako, Si Ikaw, Sila o Tayo

Alin sa lahat ang aking uunahin?
Si ako ba, na laging lubhang mahinhin?
Si ikaw na may matatamis na tingin?
Sila, na may sariling alituntunin?
O tayo na dapat pagbuklodin natin?

Tayo ang una kong tinangkang Ayusin.
Subalit lubhang mahirap itong gawin.
May Iba’t ibang rason at suliranin.
Nakasama pa sa kanilang pagtingin.
Sila na lamang aking asikasuhin.

Sila man ay gustong- gusto ko baguhin.
Maibunyag ang tunay kong adhikain.
Ipahayag na ako’y nagmamahal din.
Sarado ang mga tenga ayaw dinggin.
Naisipan ang sarili ay alisin.

Ako’y naghanap ng ibang mamahalin.
Buong pagmamahal ko sayo nabaling.
Wagas na pagmamahal meron sa atin.
Ngunit di nagtagal tayo’y nag away din.
Salita mo’y aso di kaya kainin.

Ikaw, sila, tayo di kaya baguhin.
Hindi kaya ako din ang may salarin?
Pagbabago ay dapat mula sa akin.
Tuklasin ang sarili at aaminin,
na minsan sarili ang dapat sisihin.

Ngayong alam ko na ako ang may sala.
Ibig ko na alisin aking Maskara.
Maskarang mapaglinlang at sumasara,
sa aking isipan at mga mata.
Ito na, pagmasdan, ang aking paglaya.

Si Ako muli ko siyang nakikita.
Ito na pala ang tunay kong itsura.
Siya’y mukhang takot at kakaba-kaba.
Ani nya’y mabuti ako’y naalala.
Sabay yakap sakin habang lumuluha.

Si Ikaw binalikan, ipinakita,
ang tunay na sarili ay nakita na.
inaming nais ko siyang makasama.
Tanong lang niya bakit ako ang nauna?
Inaamin din niya , siya rin ay may sala.

Sadyang mapaglaro ang aking tadhana.
Sila biglang lumabas at nagpakita.
Ako ay nakihabilo’t nakisama.
Wari ko ay walang nangyaring masama.
Lumayo ako wala palang problema.

Nabuo Tayo at nagkasamasama.
Ang Lahat ay nagbago at masasaya.
Kami’y walang masasamang haka-haka.
Ang aming samahan ay naging sandata.
Sa mga elementong nais manira.

Ang Si Ako, Si Ikaw, Sila o tayo.
Hindi paligsahan, may panalo-talo.
Kundi Ito’y isang pagsasalo-salo.
Wala ang nag-iisa o nagso-solo.
Dito ay walang alipin walang amo.

Tuklasin ang sarali.Huwag magtago
Wag ikahiya tunay na pagkatao,
at kung kinakailangan baguhin mo.
Ngayo’y malalaman tunay na totoo.
Hindi mapanirang pagbabalakayo.

Mahirap man tinatahak wag huminto
Kung may pagsubok wag matakot mabigo.
Pagkabigo ay kasama sa proseso,
Upang pagtibayin iyong pagkatao.
At dito sisibol ang bagong si Ako.

Sa sarili ang tunay na pagbabago
Hindi ito si ikaw, sila o tayo.
Hindi ito mabilis o “ora mismo.”
Bigyan itong panahon upang tumubo.
Upang sumibol si Ako at mabuo.

Lahat tayo’y may kanya kayang talento
Iba’t ibang klase ang ating talino.
Kung kadakilaan ang hinahabol mo?
Hindi mo kinakailangang lumayo.
Nandiyan lang yan alamin sa sarili mo.

PHOTO CREDIT:
imgur.com
Photo Source

Kung nagustuhan ang inyong nabasa marapating "upvote" at "resteem." Mahalaga sa akin ang inyong opinyon sa aking gawa kung meron mang kayong mensahe o kumento malaya kayong isulat ito "comment field."

Salamat sa mga sumusunod:
Sa aking mga mentors sa steemit: @antonette @iwrite @purpledaisy57 @bobiecayao @mers @otom at mga team members ng steemit teams.

Salamat sa crypto community team:
@maverickinvictus
@jhiecortez
@lianron
@emdesan
@DeSMJ
@LhynnPoy
@dencanlas
@cryptodaleks
@rainbowme
@mariarubie
@dizzyapple