Kerupuk muling sideh di pidie..
Tape boh ubi di sare jaya...

Salam alaikom saleum keu Aby..
Saleum keu akhy mandum lam rika..

Nibak Pantoen Nyoe loen keuneuk rawi..
Qalam ilahi Alquran nama..

Loen pajoeh sawoe dengoen Indomie..
Kadang santre mie lon taguen sigra..

Na saboeh kisah di Arab Saudi ..
Muhammad Nabi Rasul Mustafa..

Nyoeu keuh Alquran Mu'jizat tinggi..
Allah peu meuri Rasul mulia..

Nibak wate nyan Allah neu uji..
Kaom Yahudi Quraisy nama..

Dengoen Mu'jizat Alquran suci..
Kafe dum ringgie meu blek - blek mata..

Dum na Jai kaom syair di rawie..
Di nak sayingi qalam Rabbana..

Berkat Alquran Mu'jizat Nabi..
Syair di rawi hanceo semua..

Wahe @abudar yang jeut keu juri..
Oeh noe bak ukhty Liza di nama..

Judul Alqur an kalhuh loen rawie..
Pamit beu neubrie salam alaika..