Salam alaikum saleum loen tuan..
Meunyoe na rakan jaweub beusigra..
Saleum uloen bi keu permulaan..
Beuthat pih han ban lewat media

Reudoek meugeudum lam rimba tuhan
Hana trep leuhnyan teuka ie raya..
Nibak buleun nyoe buleun ramadhan
Hana trep lheuhnyan ka uroe raya

Didalam hadis nabi neupeusan
Kitab karangan alem ulama
Meunyoe jiteuka buleun ramadhan
Ayat alqur,an beule ta baca...

Meunyoe katajak keudeh u nagan..
Nyan gok bacan bek tuwe gata..
Peu peungeuh cahya buleun ramadhan..
Nyan kalam tuhan beutatem baca..

Gunong gurute manyang hana ban..
Jipeuget jalan meuputa puta..
Peusijuk hate baca alqur,an..
Peusijuk badan zikir tabaca..

Jalan u leubu tumboeh langkahan..
Le that disinan atra syuhada..
Tapeujroh hate tapeujroh lisan..
Tapeujroh badan jeu jeut anggota..

Tutu meutingkat sideh dimedan..
Tutu yang panyang gampoeng peudada..
Beutapeujioh dum keburukan..
Bek lalo rakan dengen but donya..

Dua blah buleun ciptaan tuhan..
Buleun ramadhan yang istimewa..
So so yang pubut ngon kebaikan..
Balasan tuhan meulipat ganda..

Kota takengon leupo hana ban..
Metropolitan aceh utara..
Beutatem peule baca alqur,an..
Buleun ramadhan cukop le fahla..

Didalam hadis nabi neupeusan..
Didalam firman allah ta,ala..
Meuso yang tem hafal alqur,an..
Janji le tuhan tamong syiruga..

Wahe e teungku wahe e rakan..
Wahe e taulan bandum saudara..
Le that faedah baca alqur,an..
Dum sebagian kaleuh lon rika..

Le that yang laen hana sebutan..
Meu,ah hai rakan kadang na lupa..
Kadang na narit yang kureung sopan..
Kadang karangan tan meuho punca..

Mumada ohno rika balasan..
Saleum lon tuan yang@sogata..
Leubeh dan kureung beu neu maafkan..
Dengan wassalam uloen top rika..

Wassalamualaikum wr wb