Sapa Beungoh

Ji ku'uek manok tanda ka beungoh,
kejeud tabeudoh wahe syedara,
Yang bek ta tinggai sembahyang suboh,
Udep mangat jroh dalam bahgia.

Wahe rakan lon inong ngon agam,
Na bacut pesan lon neuk calitra,
Lon neuk teumanyong bak rakan-rakan,
Saboh piasan nibak media.

Media baro na saboh macam,
Steemit jiboh nan le pengusaha,
Lon golom meuphom teuma atra nyan,
Peu keuh piasan peulale mata.

Peugot cerita peunoh halaman,
'oh lheuh nyan teuma yue vote beuteuga,
Watee lon kalon reward dollar nyan,
Syit saboh macam angka nol saja.

Pakiban cara raih dollar nyan,
Wahe e rakan takerjasama,
Lon vote ata droe neuh uroe ngon malam,
Gata pih meunan wahe syedara.

'oh noe keuh mantong panton lon tuan,
Hanya sapaan ban beungoh buta,
Meunyo na salah nibak perkataan,
Meu'ah beurijang daei saudara...