Empire of Islam Atjèh Darussalam. [Keuradjeuë Islam Atjèh Darussalam] [Sulthan-Iskandar-Muda Perkasa Alam Sjah di-Radja Atjèh.] (Faseuëh Keuphôn Keu Geusjhik Gampông, Faseuëh Bab Keudua. Keu Imum Mukim) Bag. 9

---

Sumber

---

Faseuëh Keuphôn
Keu Geusjhik Gampông

Neupeuwadjéb keuë mandum rakjat Atjèh untôk neupiléh geusjik, seubagoë Ulèë peumeurintah di tingkat gampông ,tata atôran peumiléhan geushjik harôih mupakat musjawarah gampông njäng neupeugót di Meunasah, segohlom neupeugòt peumiléhan geushjik, untôk djeuët keubeukai Geusjhik harôih séb sjarat njängka neupeuteuntèë lam Kanun Sjaräk Keuradjeuën Atjèh:

Sjarat sjarat keubeukai geushjik gampông:

• Umu beunä 40 thôn
• Muphôm hukôm sjaräk sjari-ät Nabi Muhammad SAW
• Muphôm hukôm sjaräk Keuradjeuën Atjèh.
• Meu asai nibak keuturônan njäng djroh.
  Hänä musôh lam gampông.
• meusipheuët beuhe bak njäng beutôi
  Teumakôt bak teumpat njäng salah.

Geusjik njäng teupiléh meuhak geupiléh 6(nam) dro ureuëng peumbantu peudjak peumeurintah lam gampông, nakeuh:

• Imum rawatéb di Meunasah.
• Waki Geusjhik.
• Tuha Peuët.

---

Faseuëh Bab Keudua.
Keu Imum Mukim

Neupeuwadjéb keuë mandum rakjat Atjèh untôk neupiléh Imum Mukim, seubagoë Ulèë Peumeurintah di tingkat Mukim, tata atôran peumiléhan Mukim harôih mupakat musjawarah gampông-gampông njäng neupeugót di Balèë Mukim, segoh lom neupeugòt peumiléhan mukim, untôk djeuët keubeukai Mukim harôih séb sjarat njängka neupeuteuntèë lam Kanun Sjaräk Keuradjeuën Atjèh:
Sjarat sjarat tjalon Imum mukim :

• Kón hamba sahaja(kón lamiët)
• Umü 40 thôn
• Djeuët mphôm hukôm sjaräk Allah sjariat NabiMuhammad SAW.
• Meu asai nibak keuturônan njäng djroh(Kón Aneuk Di luwa Nikah)
• Hänä musôh didalam gampông-gampông
• Beuhe bak djalan njäng beutôi.
• Teumakôt bak djalan njäng salah.
• Sanggôb peutheun amarah.
• Muphôm Hukôm Sjaräk Keuradjeuën Atjèh.
• Meusipheuët peumurah ngón peunjäjang (murah haté )keuë ureuëng gasiën.
• Muphôm Pubuët Peureulèë ïn ngón Peureulèë Kifajah
• Sanggôb djeuët Keu Imum Djum-ät di Meuseudjid
• Sanggôb djeuët keu Chatib Djum-ät di Meuseudjid.
• Nä Sipheuët Njäng Peuët (Beunä-
• Amanäh-Peutrôh -Bidjak sana/Tjeureudék.
• Na sipheuët malèë ngón hana tamäk.
• Saba ateuëh puë mantòng, padjan mantòng sigala hai

Sjarat njäng leubèh seumpurna nakeuh peureulèë keu Imum mukim, nibak geusjhik, kareuna Imum mukim djeuët tapeu-ék seudeuradjat ngón Ulèë Balang, Panglima Prang bahkan Meuntro Keuradjeuën Neugara Atjeh.

Meusambong keu bag. 10
Faseuëh Bab Keulhèë.
Keu Ulèë Balang ( Panglima Prang)