Menghancurkan Berhala | 20180911 Pantun 004 ( Poetry ) #87

 

Assalamualaikum ka lom ulon bri
Seujarah Nabi gisa bak mula
Nyo ka oh masa kisah lon rawi
Troh masa Nabi geu phok beuhala

Beurhala meubareh susoen meuriti
Yang raya hi puruk meubanja
Dalam istana seusembah na kri
Leupah gura hi peurangui raja

Beurhala rayeuk hias beu meukri
Mahkota di bi ateuh keupala
Mahkota intan ngon meuh indah hi
Meunan keuh sudi nibak beuhala

Nibak siuroe raja peusaksi
Keu bandum peuri dalam istana
Bak uroe raya subra han sakri
Teubit lam neugri untuk jak pesta

Bak masa nyan tujoh blah thon Nabi
Raja pih sudi undangan geuba
Maksud diraja undang keu Nabi
Untuk ikuti pesta di raja

 

 

Nabi han geutem ngon hana sudi
Alasan geubi saket bak raja
Diwoe utusan laporan di bi
Bahwa di Nabi hanjeut meupesta

Beudoh di raja ngon kaom neugri
Yak peuraya hi pesta beurhala
Tinggai lah nanggroe sengoe ngon seupi
Peuluang Nabi jak phok beuhala

Berangkat Nabi ka deungon baci
Ngon rasa beuci ateuh beuhala
Bak phok beurhala susoen srategi
Yang raya hi geu tinggai sigra

Beurhala raya geusangkot baci
Untuk peusaksi bukti bak raja
Meunan keuh caroeng Ibrahim Nabi
Ilmei Tuhan bri Allah Ta'ala

Beudoh ban sigra Ibrahim Nabi
Geutinggai baci deungon beuhala
Riwang u rumoh seunang han sakri
Kalheuh troh janji bak phok beurhala

 

 

Oh ban geuriwang raja lam neugri
Cukop gura hi hanco beurhala
Beungeh ban bagoe geu neuk jak sudi
Soe keuh beurani phok beurhala raja

Beungeh keu Nabi nyang na lam neugri
Geu drop peusaksi geuba bak raja
Pakon jeut ka phok patong hanco hi
Jinoe meusaksi, meuhan binasa

Teuma bak raja Nabi peusaksi
Patong raya hi yang phok beurhala
Beurhala raya megantung baci
Coba jak sudi ka oleh raja

Raja ka tahee geu deungo Nabi
Pane mungken kri patong keurija
Nyoe cit buet gata ngon kana bukti
Jinoe peusaksi meungaku sigra

Meunyoe ta teupeu patong meunan kri
Pakri keu sudi seumbah di raja
Akidah salah nyoe ka meubukti
Harap riwang kri bak Tuhan esa

Meunan geu surah ka oleh Nabi
Raja malei hi ngon mirah muka
Bak geutop malei Nabi geu gari
Keudeh geu gunci dalam peunjara

Meusambong Calitra...

 

Saya sedang belajar, mohon maaf jika terdapat kekeliruan penulisan kisah dalam pantun. Terima kasih kepada brother @lamkote, @teungku-muda dan @fauzan11 atas bimbingan dan dukungannya. Terima kasih buat semua teman-teman atas dukungan kalian

Edisi Pantun

Nabi Menentang Kemusyrikan Ayahnya ( Pantun 003 )

Nabi Ibrahim Mengenal Tuhannya ( Pantun 002 )

Lahirnya Ibrahim Kecil ( Pantun 001 )

 

If you like poetry, please support to develop poetry I will appreciate and Thank You

 

---

Images source : pixabay.com

---

 

Thanks to my friends who has helped me in writing. Thanks to all the creative communities for your support. Thanks to all of you who love my poetry

 

 

Thank You

---

Posted from my blog with SteemPress : https://pupu93.000webhostapp.com/2018/09/menghancurkan-berhala-20180911-pantun-004-poetry-87

---