Soe Ngon Tanyo Yang Seubeutoi Jih
source
Lam ta meu udep nyo geutanyo han mungken ta meu udep sidroe teuh, bek ta pike ban ka kaya, boinah teuh rata sagoe na, lampoh luah, ta meunue atawa tamugo pih le, adak ta tamse umong gob neudeuk bijeh geutanyo. Tapi tanyo teutap han jeut ta meu udep sidro teuh.
Tanyo peureule keu ngon, peureula tameujiran, peureule romuh tangga, supaya udep tanyo nyo ngat seumpurna, pakon tanyo peureule keu ureung laen? Seubab geutanyo geucipta le Po Teuh Allah SWT berpasangan inong dan agam, nyan saboh peulajaran bahwa geutanyo han mungken jeut tadeuk lam saboh donya nyo sidro teuh. Jeutlah, tapeugah tanyo peu yang ta peureule deumpeu na, tapi oh mate ta tinggai donya nyo, peu jeut ta seumano dro keudroteuh, so yang peu kafan tanyo, so yang seumeuyun atawa peu baroh geutanyo.
Nyan ka lhok that dan ka jeuoh that ta peugah, tapi lam bah steemit nyo mantong tanyo peureule keu gob, meunan cit lam ta meu udep si uro-uro. Tanyo kadang na salah dengan na ngon, nakeuh na so peu ingat, kadang lam tapeubut but si uro-uro na yang hana beutoy na so bi peutunyok, saket teuh na so jak saweu, ta meukhanduri udep naso peuseunang, naso peutimang khanduri mate. Nyan mandum meunyo tanyo udep sidro kakeuh tan so pakoe hai adoe meutuwah. Hai adeun meubahgia.
Wate tanyo na dimeuyub na so kalon, na so ta peuseunang wate tanyo di ateuh, beu taingat le geutanyo hai rakan, saboh peneugah haba indatoe, "hana geukheun rakan yang jak sajan wate kaya, tapi yang geukheun rakan yang jak saja wate papa", nyan peuneutoh ureung tuha untuk geutanyo lam ta meurakan nyo bek tateumilek ret harta, meunan salah saboh makna dari peutuwah nyan.
Leubeh nibak nyan mandum, soe teuma ngon tanyo yang Seubeutoi jih, lon teuingat saboh haba gure lon dile saboh jan, geu kheun le droneuh nyan lage nyo, hai aneuk ta meungon le gata, deungon ureung yang deungan tameungon nyan beuto gata ngen Allah SWT, bek tameungon deungon ureung yang karena tameungon nyan gata seumaken jeuoh ngen Allah SWT. Nyo saboh kunci lam tamita ngon, lon yakin peu yang geu peureuno le guree lon nyan geutanyo mandum sipeu kheun yakni sepakat.
source