Hudep umpama geulayang putoh taloe

Bacut na kisah jino lon rawi, u lon tuan bri keu mandum syedara.
Kisah lon tuan hana meuban kri sabe sendiri dalam derita.

Hudep lon rangoe hana so peuduli umpama meugantung hana bertali.
Ibarat layang ka potoh tali jioh ngen negeri di ateuh angkasa.

Layang lon putoh jioh sekali di cong bak pineung meusangkot tinggi.
Udep di nanggroe umpama kuli sabe tiep hari lon roe ie mata.

Kadang siuroe na makan nasi, kadang sit meu ie yang na lon rasa.
Hudep lon hampa hana yang peuduli mungken sit mati hana soe ngieng mata.