Panton Khusus keu Aneuk Aceh!!!

Bu angeoh

Rugoe jeu lamei, ka lhei ploh manyam...
Meu nyoe masakan, kasapue tan jeut..
Keu pue teuh tari, oek patah manyam..
Ulei teuh mumang, ji timoeh geu tut...

Watei tagun bu, ka itam si khan...
Icroh boh gantang, suwah boeh uyub..
Ji tagun kuwah, tan iboeh asam..
Ipeh beu lacan, tan iboeh oen krut..

Peh asam udeung, tan iboeh asam..
Ji tagun rendang, ka mubei oen krut..
Di gule rampoe, kajiboeh santan..
Tagun masakan, ka sapue tan jeut..

Yang na sit caroeng, wet wet bak jalan..
Sore ngon peutang, adei adei prut..
Ngon bajei sarat, ka liweu si khan..
Urusan phang phang, ngon honda darut..

Bak theun jeu lamei, allah ya tuhan..
Troh lhei ploh lapan, golom keu ranub..
Adak pih salen, ji kirem peu san..
Yue ba bak cut bang, sapoe liweu cre'ut..

Teu doeh meu pesta, sie leu moe agam..
Uroe ngon malam, cukob meu saneut..
Cukob thad rugoe, di kamoe agam..
Meu teu mei intan, kasapue tan jeut..

Bukon keu tari, yang kamoe idam..
Yang jeut masakan, ijih meu bacut..
Jeut tagun kuwah, jeut ipeh asam...
Adak boeh pisang, nyan pih jeut ji krut..

Ji reundang kuwah, hana nyum masam..
Ipeuh beu lacan, cukob meu saneut...
Adak tagun bu, han itam si khan...
Croh ikan tamban, han itam bacut...

Ji peh asam U, ngon kuwah tilam..
Pajoh di cut bang, bajei geuh teu sut..
Uroe meu rasa, sedab oeh malam...
Saweub cut intan, na caroeng bacut..

Adak jeu lamei, seb lapan manyam...
Salen lam hidang, dak tan liweu cre"ut..
Adak tan tan pesta, meuriah han ban..
Yang peunteng intan, dumpue ijih jeut..

Lon lakei meuah, bak mandum rakan..
Handai ngon taulan, rayek ngon ubeut..
Asou llam kisah, yang ulon rantam..
Neu peu tron rijang, jeu lamei bacut..

Mubek jeu lamei, troh lhei ploh manyam..
Jak mita modal, peu kawen aneuk..
Ban sigoe tarie, na langsing badan..
Beklah agei nyan, gata poe aneuk...