Panton Keu Agam jak Umalaya!!!

Neu woe hai cut bang neu woe..
Bek le lam rantoe, kaseb yang ka ka.
Ulon di si noe, sabe teu lumpoe.
Malam ngon uroe, di mata mata..

Ie mata lon roe, sabe meu taloe..
Lon ingat lakoe, di nanggroe luwa.
Pue lom malam nyo, jumeu ad sampoe.
Hawa keu lakoe, lon eh lam kamba.

Di gob yang laen, mandum na lakoe.
Di ulon si droe, lakoe di luwa..
Geu jak meu rantoe, katreb tan neu woe.
Neu sayang keu lon nyo, jinoe hai kanda.

Adak mak megang, jinoe pih katoe..
Seu deh hate nyoe, watei lon rasa...
Oeh watei malam, sabe teu lumpoe..
Kadang oeh uroe, di mata mata...

Aneuk ji tanyoeng, sabe bak lin nyoe..
Pajan ayah woe, wahe ee poma..
Tae. Ayah goeb, seu nang han bagoe..
Tapih ulon nyoe, tan pat peu manja...

Wahe e ayah, neu deu ngoe jinoe..
Rintihan aneuk droe, beok lon haba..
Beu na neu sayang, ayah keu lon nyoe..
Malam ngon uroe, teu bayang bapa..

Meu nyoe na sayang, ayah keu lon nyoe..
Neu woe keuh jinoe, ayah lon cinta...
Saleum keu ayah, nibak aneuk droe..
Ayah beu neu woe, sayang keu poma..