මිතුරියකගේ නික්මයාම 🏳️
PicsArt
"සිතාරා suicide කරගෙන කියලා ආරංචියක් තියනවා "
පෙරේදා උදේ WhatsApp එකේ දකින්න ලැබුණ, ඒත් අහන්නවත් දකින්නවත් අකමැති පණිවිඩයක්. හැමෝටම විශ්වාස කරන්න බැරි වුණා. ගොඩක් වෙලා යනකම් බලං හිටියා ඒක වැරදි ආරංචියක් වෙයි කියලා. ඒත් නෑ!
"ඒක ඇත්තක්, එයාගේ body එක PCR test එකට අරගෙන ගිහින්" තව යාළුවෙක් කිව්වා. දෙවියනේ එතකොට ඒක ඇත්ත! ඒත් ඇයි එයා එහෙම දෙයක් කරගත්තේ? හරියටම හේතුවක් කවුරුත් දැනගෙන හිටියේ නැහැ. ඇත්තටම හේතුව දැනගෙන හිටපු එකම කෙනා එයා විතරයි.
අපි අඳුන ගත්තේ 1 වසරේදී. පසු කාලෙක ඇය අපේ පාසලෙන් ඉවත් වෙලා වෙනත් පාසලකට ගියා. 1 වසර පන්තියේ එකට හිටපු අපි හැමෝම දුරස් වුණා. අපි එක එක පැති වලට ගියා. ඒත් තාක්ෂණයට ස්තූති වෙන්න, අපි හැමෝම ආයෙත් “1 ශ්රේණිය ඩේලියා” පන්තියට හදපු WhatsApp group එක නිසා එකතු වුණා.
ඇය මගේ හොඳම මිතුරියක් නෙමෙයි. නමුත් අපි එකම පන්තියේ ඉගෙනුම ලබපු නිසා WhatsApp group එකේදී අපේ යාළුකම ආයෙත් අලුත් වුණා. නමුත් එය Hi, Hello එකකට පමණක් සීමා වුණා. ඇය මගේ මුහුණු පොතේ මිතුරියක්. ඒ නිසා ඇය upload කරන දේවල් මම දැක්කා. ඇය WhatsApp status එකට upload කරපු දේවල් මම දැක්කා. ඒ නිසා දවසක් මම ඇගෙන් ඇහුවා ඇය මොකක්හරි අවුලකින්ද ඉන්නේ කියලා. ඒ මාස කීපයකට පෙර. නමුත් එදා ඇය පිළිතුරු දීම මඟහැරියා. මම අද ඒ ගැන දුක් වෙනවා. මට ඇයට උදව් කරන්න ක්රම දෙකක් තිබුණා. එක්කෝ ඇයට කොහොම හරි ලං වෙලා ඇගේ ප්රශ්නය විසඳ ගන්න උදව් කරන්න තිබුණා එහෙම නැත්නම් ඇයට විශ්වාස වෙනත් මිතුරියකට ඇය ගැන සොයා බලන්න කියල කියන්න තිබුණා. නමුත් මම දැන් ප්රමාදයි. ඇය මොකක්හරි ප්රශ්නෙක ඉන්න බව මම තේරුම් අරගෙන තිබුණා. ඒ බව දැන දැනත් ඇයට උදව් කිරීමට නොහැකි වීම ගැන ඇත්තටම දුකයි.
යාළුවො කියනවා එයාට Depression තියෙන්න ඇතිලු. ඒ දේ ඇත්ත නම්, Stress, Depression කියන්නේ විහිළුවක් නෙමෙයි. ඒක ඇත්තටම හරිම භයානක දෙයක්. Depression තියන කෙනෙක් මේ විදියයි කියලා මම දැනගෙන හිටියා. ඒකෙ බරපතලකමත් මම අවබෝධ කරගෙන හිටියා. ඒ වුණත් ක්රියාත්මක වෙන්න ප්රමාද වුණා. එදායින් පස්සේ මමත්, sad quotes share කරන එක ඇගේ පුරුද්දක් වෙන්න ඇති කියලා ඇයව ignore කළා. මම ඇයව ළඟින් ඇසුරු කළේ නෑ. ඒ නුහුරු නුපුරුදුබවත් එක්ක අනුන්ගේ දේකට මැදිහත් වෙන්න හොඳ නැති නිසා නිසා මමත් පැත්තකට වෙලා හිටියා. ඉතිං, ඇයට තිබුණු ගැටලුවට ඇය දැකපු එකම විසඳුම මේක. අද මම විතරක් නෙවෙයි හැමෝම ඒ ගැන කණගාටු වෙනවා. අපිට පාඩමක් කියලා දීලා අද ඇය ජීවිතයෙන් සමු අරන්. අන් කිසිදු භවයක මෙවන් අකල් මරණයකට මුහුණ දෙන්න එපා. ඔබට සුභ ගමන් සිතාරා!
මරණයෙන් විසඳුනු කිසි දෙයක් නෑ. ප්රශ්නයක් තියනවා නම් විශ්වාස කෙනෙක්ට කියල හිත නිදහස් කරගෙන විසඳුමක් හොයාගන්න ඕන. කෙනෙක්ව විනිශ්චය කරන්න පෙර ඇහුම්කන් දෙන්න. ඒකට අදහස් දක්වන්න කලින් ඒ දේ තමන්ට වුණා කියන තැන ඉඳලා ඒ කෙනාගේ වේදනාව තේරුම් ගන්න බලන්න. එහෙම වුණොත් මේ වගේ සිදුවීම් ඇහෙන එක ටිකක් හරි නතර වෙයි.
එයා ගනිපු තීරණය නිවැරදි එකක් නෙමෙයි. ඒත් එයා හිටිය තත්වය දන්නේ නැහැනෙ. කිසිඳු බවයක නැවතත් මෙවන් මරණයක් අත් නොවේවා 😥.
අපිටත් පහුගිය කාලේ මේ වගේ අත්දැකීමකට මුහුණ දෙන්න උනා. ලගින් ඇසුරු නොකලත්, ඒ වගේ දෙයක් අහන්න ලැබුනම ඒක shock එකක් වගේ.
ඔව් ඔයා හරි 😥
ඔව් ඒක ඇත්ත. දැන දැනත් උදව් කරන්න බැරි වුණානේ කියල දැන් හිතෙනවා.🙁
ඩිප්රෙශන් හැදුන කෙනෙක් පිටින් හරිම සාමාන්ය විදියට හැසිරෙනවා. ඒත් එයා ඇතුලතින් එයා එක්කම මානසික සටනක ඉන්නේ. එයා විසින්ම එයාගේ ඇතුලේ ත්රස්තවාදියෙක් ඇති කර ගන්නෝ එයාටම විරුද්ධව. අවසාන ප්රතිඵලය බොහෝ දුරට මරණය. හැබැයි ගොඩ ආව අයත් නැතුවම නෙවෙයි...
මම හිතනවා මනුස්සයෙක්ට මානසික තෘප්තිය, මානසික නිදහස නැති වුන තැන එයා ඇවිද්දත් මලකදක්. මම දන්නවා හැමෝගෙම මානසික මට්ටම එක හා සමාන නෑ . ඒත් අපි මානසික අතින් ගොඩක් ශක්තිමත් වෙන්න ඕනි.
එයාගේ කතාව දන්නේ එයා විතරයි....😥😥 එයත් එක්කම ඒ කතාව මැකිලා යාවි...
මතු කිසිම ආත්මෙක මෙවන් මරණයක් ඇයට අත් නොවේවා.....
ඇයට සුභ ගමන්...... 🏳️🏳️🏳️
ඔව් ඔයා හරි. Depression කියන්නේ මැරෙන්න ඕන හිතකින් දිවි ගලවගන්න උත්සහ කරන ශරීරයක ජිවත් වීම. ඒ වගේ වෙලාවට මනස දින්නොත් ප්රතිපලය මරණය තමයි. 🙁😥
Steem Sri Lanka Discord Channel
✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵
Congratulations !
We are the hope of the helpless posts.
Your post has been manually rewarded by The Seven Team. Follow our Curation Trail or delegate us | 50SP | 100SP | 200SP | 300SP | 400SP | 500SP | and reach us in our discord channel.
Become in a Seven now.
It's really a heartbreaking story. May her rest in peace.😢
stress and depression are serious issues but if we kept them inside they will eat us alive. So what we should do is to reach out to our trusted ones.
That's the best thing to do in a moment like that.
I have no words. It's really heart breaking. 😥😥
She is the only person who knows reality behind her death and how hard her life was. 😥
If it had shared the pain with someone it would have solved this in a different way.🙁
මාතෘකාව දැක්ක ගමන් මගේ ඇගේ හිරිගඩු පිපුණා. ඒ කලින් සිදුවීමක් මතක් වෙලා. රසී කියල තියෙන්නෙත් ඒක ගැන. ඒ ගෑණු ළමයත් මාත් එකක් එක පන්තියෙ හිටිය අවුරුදු 3ක්. හරිම දුකයි හදිස්සියෙ වෙච්ච දේට. ඒත් ඒක එයාගෙ පළවෙනි උත්සහය නෙවෙයි. ගෙදර අය ළගම යාලුවො දැනගෙන ඉදලත් පොඩි පමාවෙන් එයා යන්න ගිහින් තිබුනා. දුකෙන් මූඩ් ගහගෙන හිටිය කෙනෙකුත් නෙවෙයි. පිටින් බලන කවුරුත් දනනෙ නෑ එච්චර දුක් විදලා කියල. හිනා වෙලා විහිලු කර කර හිටියේ. depression තියෙන කෙනෙක්ගෙ මූලික ලක්ෂණයක්.
යන්න ටික කාලෙකට කලින් fb එකේ දාලා තිබ්බා මගෙ මළ ගෙදරට මොනවද ඕන කියලත්. ළමයි ඉතින් ඕන දේවලුත් ඉල්ලලා. කවුද හිතන්නෙ ඇත්තටම දාලා කියල. මගේ පෝස්ට් එකකටත් විහිලුවක් කරල තිබ්බ මැරෙන්න පැය ගාණකට කලිනුත්. 😷
කොරෝනා නිසා මරණෙවත් බලන්න බැරි වුණා අපිට කොහොම හරි. 😶
ළග ඉන්න අය ගැන මීට වඩා හිතන්න ඕන කියල තේරුණේ එදා. අවාසනාවට අපි බිසී වෙද්දි වෙනන ඕන දේවල් වෙලා ඉවරයි.
ඇත්තටම මේක අපි හැමෝම කරන වැරද්දක්. 😢 ඔයා කියන දේ හරි. අපි මීට වඩා සැලකිලිමත් වෙන්න ඕනේ අපේ ලග ඉන්න අය ගැන. ☹
Hi, @thisarani96,
Thank you for your contribution to the Steem ecosystem.
Please consider voting for our witness, setting us as a proxy,
or delegate to @ecosynthesizer to earn a portion of the curation rewards!
3000SP | 4000SP | 5000SP | 10000SP | 100000SP
මගේ යාලුවෙකුගේ යාළුවෙකුටත් මේ දේම උනා.. හිනා වෙලා දුක් පෝස්ට් ශෙයාර් කරගෙන හිටියේ... එයත් මේ දේම කරගත්තා... 😥😥
😢😢
මේ වගෙ දේවල් ගොඩක් වෙන්න හේතුව තමන්ගෙ දේවල් වලට ඇහුම්කන් දෙන්න විශ්වාසවන්ත කෙනෙක් නැතිවිම 😔 ගොඩක් දෙනෙක් ඔය වගෙ දෙයක් වෙනකොට කරන්නෙ හිනාවෙන එක .දරාගන්න බැරිම තැන මිනිස්සු හැමදේම අත අරිනවා.එකට දොස් කියන්නත් බෑ.කෙනෙක් දුකින් ඉන්නවා කියලා දැනෙනවානම් වචනෙකින් හරි හිත හදනවානම් මේ වගෙ දේවල් ගොඩක් අඩුවෙයි .