Thirty One and da Happy Balloon

මං කවදාවවත් තිස් එක් වෙනි දාක රැයක් සමරලම නෑ. ඕකෙ මොකක්ද සමරන්න තියෙන්නෙ කියලා හිතුව උදාසීන අවුරුදු ගොඩායි. හැබැයි මේ පාර නම් ඒක වෙනස්. මං ආසාවෙන් හිටියෙ එදා රෑට ගෝල් ෆේස් එකේ ඉන්න.හැබැයි ඒක ඉශ්ට වුණේ අහම්බෙන්. අපි බැච් එකේ ගෑණු ළමයි පිරිමි ළමයි ටිකක් එකතුවෙලා තමයි ගියේ.

කොහොමහරි අපි ගෝල්ෆේස් එකට යනකොට ගෝල්ෆේස් එක පිරිලා තිබුණා මිනිස්සුන්ගෙන්. One galle face එක ළඟත් දිග පෝලිමක්. ඒ ඇයිද කියලා නම් මං දන්නෙ නෑ. අපි නම් මුලින්ම කලේ කන එක. කානිවල් එකක වගේ ගොඩාක් දේවල් ගෝල්ෆේස් එකේ තිබ්බා. මට පුදුමත් හිතුණෙ නුවර ඉඳන් ගෝල් ෆේස් එකේ අවුරුදු සමරන්න ආව මිනිස්සුත් ඉන්නවා කියලා තේරුණාමයි.

එහා පැත්තෙන් පේන port city එකත් ලස්සනට පෙනුණා. ඉතින් ඔන්න ඔහොම අන්තිමේදි රෑ දොළහ වුණා. 2023 ලබන වෙලාව සහ මල් වෙඩි දාන වෙලාව. ඒක නම් පුදුම ලස්සනක්. පෝර්ට් සිටි එක පැත්ත බලනවද, අනෙක් පැත්ත බලනවද කියලා හිතාගන්න බැරි තරම් ලස්සනයි. ජීවිතේ පළවෙනි වතාව නිසා මං හිටියෙ බැලුම් බෝලයක් වගේ පිම්බිලා. Happy balloon එකක් වගේ.

සමහර දේවල් ගැන හිතපු, බලපු විදිය හරිම උදාසීනයි නේද කියලා මටම හිතුණා. රට බංකොලොත් වෙලා, අරගල කරලා, අරගල කරපු මිනිස්සු හිරේ ගිහින්, අපේ ජීවිත අවුල් වෙලා ඔක්කෝම වුණ බව ඇත්ත. ඒත් ඔයාලා විශ්වාස කරයිද මන්දා 2022 කියන්නෙ මගේ ජීවිතේ තිබුණ හොඳම අවුරුද්ද!

මේ අවුරුද්ද ඇතුළෙදිත් කාටම හරි උදව්වක් කරන්න, තෑග්ගක් දෙන්න,මං මටම දීගත්ත තෑගි ඔක්කෝම වලට steemit සහ steemit srilanka community එක මට සෑහෙන්න උදව් කළා. ඒ වෙනුවෙන් ස්තූතියි!

අලුත් අවුරුද්ද වෙනුවෙන් තියෙන හැම ප්‍රාර්ථනාවක්ම ඉශ්ට වෙන ලස්සන අවුරුද්දක් ඔයාලට ලැබෙන්න ඕනෙ!❤