Burnsteem25|| Diary Game Season 3|| Diary Game Season 3|| "My enjoyable Activity"

Kaninang umaga ay naisipan naming magpaharvest ng mga niyog dito sa aming lugar, hinaharvest kasi ito kada dalawang buwan. Masaya kami dahil marami ang naharvest naming niyog kaninang umaga. Napakasaya ko dahil nagbubunga ng maganda ang mga paghihirap at pagsisikap ng aking papa sa pagtatanim ng mga niyog. Ito ang pangunahing pinagkukunan ng panghanap-buhay. Umaga pa lang ay nagsidatingan na ang mga tao na siyang aakyat at maghuhulog ng mga niyog. Mas maganda daw na magsisimula ng maaga para maaga ring matatapos.

Hindi madali at napakahirap ng kanilang trabaho pero para maitaguyod ang pamilya ay kinakailangan talagang kumayod. Napakdilikado para sa kanila ang kanilang ginagawa dahil isang maling hakbang ay tyak mahuhulog sila mula sa itaas ng niyog. Masaya naman kami dahil sa loob ng maraming taon ay hindi pa rin sila nagsawa na manilbihan bilang tagahulog ng niyog. Pero sa napapansin ko kahapon ay parang mahal nila ang kanilang trabaho at parang magaan lang para sa kanila ang kanilang ginagawa.

Habang naghuhulog sila ng niyog ay abala naman kami sa baba sa pagtitipon ng mga hinulig na niyog para madali nalang hakutin ng tagahakot. Kangga o kariton na hinihila ng kalabaw ang gamit sa paghahakot ng mga niyog at dinadala pa ito sa kabilang parte ng lugar na malapit sa kalsada.

Buwig ng niyog ang kadalasang nahuhulog, ibig sabihin sagana at marami ang maaani namin ngayong buwan ng Oktobre. Kahit sa matinding init na nagdaan pero nananatili pa rin ang pagiging sagana at dami nito. Sakto naman at habang nagsasagawa ng pagharvest ay maganda naman ang panahon kaya tuloy-tuloy ang pagtatrabaho. Ang prediksyon ng aking papa ay mas marami pa ang makukuha sa susunod.

Syempre hindi mawawala ang buko bilang pangmeryenda sa matinding init dulot ng matinding sikat ng araw. Kinaugalian na talaga namin na magpapahulog din ng mga buko para gawing Labog o yung buko na nilalagyan ng gatas, biscuit at mani at yelo. Minsan lang kasi kami makakain ng buko kahit may mga niyogan kami dahil walang gustong aakyat dahil takot. Makakain lang kami kapag ganito ang pangyayari.

Ayun din sa mga sabi-sabi na ang sabaw ng buko ay nakakatulong para mapalinis ang daanan ng ihi ng isang taoat nakapagpababa ng blood pressure. Nakakagamot din ito sa mga taong may matinding ubo at may U.T.I.

Coin Collecting

Nais ko ring ibahagi ang mga inipon at kinolekta kong lumang mga barya gaya ng 25 cents. Mahilig kasi akong mangolekta ng mga lumang barya gaya nito. Ayon din sa mga sabi-sabi ay may mga taong naghahanap at bumibili ng mga lumang mga barya kaya naisipan kong iponin at kolektahin ang mga lumang barya na meron kami. Ang nakakaagaw pansin sa lahat ay itong lumang barya na ang marka ay nagmula pa sa ibang bansa dahil sa hindi maiintindihan na marka at ayon sa marka ay nagmula pa ito sa bansang españa. Nakita ko ito sa malaking kahoy ng mangga habang ako ay naghahanap ng bunga ng mangga, agad ko namang kinuha at pinakintab.

Usapang food trip naman. Nais ko ring ibabahagi ang napakasarap na snacks ko at espesyal ito dahil pagkaing japanese ang isa at ang tawag ay Chizu. Ang isa naman ay malaputo bong-bung ang dating. Ang lahat ng ito ay mga paborito kong kainin.

Mahalaga para sa ating lahat ang palaging produktibo sa sarili. Nakakatulong ito para tayo aasenso sa buhay.

Bago ko tatapusin ang talaarawan ko para sa araw na ito ay nais kong imbitahan sina ate @jurich60, ate @amayphin at @jessmcwhite at ang 25% na payout mula sa post kong ito ay ibabahagi ko sa @null.