These stories are the mirror of our society : Amitabh Bachchan

Sadee ke mahaanaayak amitaabh bachchan kee shakhseeyat se koee achhoota nahin. unhonne abhinay ke kshetr mein ek lambee paaree tay kee hai. aaj ve philm, vigyaapan, toorijm ka pramoshan ya kisee sho ko host karana ho, har kshetr mein apanee upasthiti darj karava kar sab ka man moh lete hain.

Source


Sadee ke mahaanaayak, big bee, engree yangamain, shahanshaah aur na jaane kitane naamon se jaane jaanevaale amitaabh bachchan kee badee khaaseeyat yah hai ki unhonne kabhee haar nahin maanee. shaayad yahee vajah hai ki un ke samay ke saathee abhineta kaheen gum ho gae hain jabaki amitaabh aaj bhee chhote aur bade parade par vaahavaahee loot rahe hain.

Sadee ke mahaanaayak amitaabh bachchan kee shakhseeyat se koee achhoota nahin. unhonne abhinay ke kshetr mein ek lambee paaree tay kee hai. aaj ve philm, vigyaapan, toorijm ka pramoshan ya kisee sho ko host karana ho, har kshetr mein apanee upasthiti darj karava kar sab ka man moh lete hain. un ke kairiyar kee shuruaat mein aisa nahin tha, unhen bhee kaee rijaikshan mile, philmen asaphal bhee hueen. philm ‘kulee’ ke dauraan unhen gambheer chot lagee, hauspital mein rahe aur ab ve livar sirosis ke shikaar hain.

Ve 25 pratishat livar ke saath abhee bhee kaam kar rahe hain. unhonne kabhee haar nahin maanee. sonee teevee par ‘kaun banega karodapati’ ke 11ven satr ko unhonne launch kar rishton kee ahamiyat ko bataane kee koshish kee, kyonki is sho mein aane vaalon ke saath un ka ek alag rishta judata hai, jise ve sho ke baad bhee yaad karate hain.

Source


‘Kaun banega karodapati’ sho mein aap ko khaas kya lagata hai? is savaal ke javaab mein amitaabh bachchan kahate hain, ‘‘main pichhale 9 seejan se is se juda hoon aur har baar kuchh naee cheejon ko apane saath le kar jaata hoon. is mein aae logon kee jeevanee se main bahut prerit hota hoon aur jaanata hoon ki kis kathin ghadee se ve nikal kar yahaan aate hain aur jeetee huee dhanaraashi ka sahee upayog jeevan mein karane ke lie laalaayit rahate hain.’’

Kis baat ne aap kee jindagee badal dee? yah poochhe jaane par ve bataate hain, ‘‘sabhee kahaaniyaan preranaadaayak hotee hain. kolakaata kee ek mahila gareebon ko utha kar unhen ghar detee hai, jabaki dillee ka ek vyakti anaath bachchon ko utha kar aashray deta hai. banaaras kee ek ladakee veshyaalay se uth kar aaj aam logon ke beech mein aa kar kaam kar rahee hai. ye dardanaak kahaaniyaan hamaare samaaj ka aaeena hain. ye hamaare samaaj aur parivaar ko motivet karatee hain. inhen main poore desh mein pahunchaana chaahata hoon.

Source

‘‘Kuchh log itane bhaavuk ho jaate hain ki ve mere saamane rone lagate hain. itana hee nahin, ek esid ataik mahila jab mujh tak pahunchee to mujhe bahut khushee huee. kisee ne socha nahin tha ki vah yahaan tak pahunch sakatee hai. aise prograam ko karane ke baad raat ko main isee ke baare mein sochata hoon, likhata hoon aur apanee jindagee ko dhanyavaad deta hoon kyonki ye sab anubhav mujhe is sho se mile hain.’’

rishte jeevan mein kitana mahattv rakhate hain aur rishton ko banae rakhana kitana jarooree hai? is par sadee ke mahaanaayak amitaabh bachchan yon vichaar prakat karate hain, ‘‘rishte bahut jarooree hain. bahut baar jo karmaveer hote hain un ke saath rishton ko le kar hee baat hotee hai, kyonki un ka sambandh rishton se hee hota hai.

‘‘Gareeb ke saath kaam karana ho ya kisee aise vyakti ke saath rishta banaana jis ke saath koee rishta banaane kee ichchha na rakhata ho, ye karmaveer sab ko apana lete hain aur parivaar ka sadasy samajhate hain. kolakaata kee ek mahila, jo maanasik roop se peedita vyaktiyon ko sahaara detee hai, ne ek aisee hee maanasik haalat mein pareshaan vyakti ko sahaara diya tha. us vyakti ko sirph ek chaay ke alaava kuchh yaad nahin rahata tha.

‘‘Ek musalim chaay vaale ne us se us ka naam poochha to vah bata nahin paaya. so, us chaay vaale ne us ka naam mohammad rakh diya tha. lekin baad mein karmaveer mahila ko pata chala ki us ka asalee naam santosh hai.

Source


‘‘Main ne audiyans mein baithe us santosh se jab milana chaaha, to us ne apana naam mohammad hee bataaya, kyonki mohammad naam ke saath us kee dekhabhaal huee hai. aaj ke yuva apane maataapita ko ghar se nikaal dete hain, aise mein ye karmaveer log unhen sahaara aur sammaan dete hain, unhen ye parivaar ka sadasy hee samajhate hain. rishte hee hain jo vyakti ko khushee dete hain, unhen ekadoosare ke saath jod kar rakhate hain.’’

Aap apaneaap ko itana phit kaise rakhate hain? is baare mein ve bataate hain, ‘‘yah mera kaam hai aur mujhe yah karane mein khushee hotee hai. phitanais ko main bana kar rakhata hoon aur is tarah ke sho ko karane se enarjee badhatee hai, kyonki is mein hamaare aasapaas ke logon kee samasya ko jaanane va samajhane ka mauka milata hai.’’

Aap ke is sho ko aap ka parivaar kitana pasand karata hai? is savaal par ve kahate hain, ‘‘yah sho jaya aur parivaar ke doosare sabhee log dekhate hain. ve charcha bhee karate hain. aaraadhya bhee mujhe teevee par dekh kar khush hotee hai. use mujhe badabade postaron par dekhana pasand hai.’’