Aceh Loen Cinta

Buleun di langet peuneurang doenya,
Buleun purnama indah meucahya,
Seuramoe Meukkah indah loen rasa,
Aceh loen cinta seupeunoeh jiwa,

Teumpat loen lahe bak saboeh masa,
Teumpat loen puta hudep lam doenya,
Teumpat yang mungken meugeunteng cinta,
Ngoen sidroe dara peunduduk desa,

Laen nibak nyan teumpat sikula,
Jak beut seureuta meurunoe agama,
Dilee baroe koen bak saboeh masa,
Aceh na raja yang pimpin bangsa,

Teuma ‘oh jinoe agak meubeda,
Hana le raja yang mat kuasa,
Jinoe meugantoe wahe saudara,
Gubernur nama cetusan negara,

Walaupih meunan rakan seutia,
Aceh loen cinta han pudar warna,
Aceh loen gaseh loen siboe manja,
Bak saboeh masa Allah bri jaya.

Source