Kolkata Knight Riders

_source

ඉතින් යාලුවනේ ඔයාලා හැමෝම පරිස්සමෙන් ඇති කියල හිතනව. IPL ගැන ලිව්ව Article series එකේ අවසානයට තමයි අපි ඇවිල්ලා ඉන්නේ.ඉතින් අන්තිමට ලියන්න යන්නේ මම පෞද්ගලිකව ආසම ටීම් එක ගැන.පාසල් යන දවස්වල යාළුවෝ එක එක කණ්ඩායම් වලට ආස වෙද්දී O/l දවස්වල මමයි මගේ සගයයි කැමති වුනේ කට්ටිය ලොකු කැමැත්තක් තිබුණු ටීම් එකකට නෙමෙයි.මම ඒ ටීම් එකට කැමති වෙන්නනම් විශේෂ හේතු කීපයක්ම තිබුණා.ඒ අතරින් ප්‍රධානම වුණේ බ්‍රෙන්ඩන් මැකලම් සහ ජැක් කාලිස්. මම පෞද්ගලිකව මාරම ආස ක්‍රීඩකයන් දෙන්නෙක් තමයි මේ.ඉතින් ඔවුන් දෙදෙනා ලොකු කාලයක් කණ්ඩායමේ සෙල්ලම් කරේ නැති උනත් කණ්ඩායමට කැමති වෙන්න ප්‍රධානම හේතු වුණේ ඔවුන් දෙදෙනා.

ඊට පස්සේ කණ්ඩායමට එකතු වුණා අමුතුම ඩයල් දෙකක්.Andrew Russell සහ Sunil Narine.මේ අතරින් Sunil Narine , KKR කණ්ඩායමට සම්බන්ධ වෙන්නේ බටහිර ඉන්දීය කොඳෙව් කණ්ඩායමේ ලොකු දක්ෂතාවයන් පෙන්නන්නත් කලින්.නමුත් ඔහුගේ IPL ආගමනය වෙනස්ම විධියේ එකක් වෙන්නේ ආරම්භක පිතිකරුවෙක් විදියට කණ්ඩායමට ඇතුළත් වීමත් සමඟයි.ඔහුගේ අමුතු පිතිකරන රටාව , Strike Rate එක වගේම අති දක්ෂ පන්දු යැවීම KKR කණ්ඩායමේ ජයග්‍රහණ විශාල ප්‍රමාණයකට හේතු සාධක වුණා.ඒ නිසාම මේ ක්‍රීඩකයා KKR කණ්ඩායමේ මෙතෙක් පැවති තරගාවලි කීපයේම නිත්‍ය ක්‍රීඩකයෙක් වුණා.ගියවර IPL තරගාවලියේ වැඩිම ලකුණු ලාභීන් සහ වැඩිම කඩුලු ලාබීන් 5 දෙනා අතරට ඇතුළත් වීමටද Sunil Narine සමත් වුණේ KKR කණ්ඩායමට ශූරතාවයද ලබා දෙමින්.KKR කණ්ඩායම කියන්නේ ipl තරග රටාව තුළ කැපී පෙනෙන කණ්ඩායමක්.නමුත් අවාසනාවට මේ තරගාවලියේදී මේ වන තෙක් නම් කැපී පෙනෙන දක්ෂතා පෙන්වන්න ඔවුන්ට හැකි වුණේ නැහැ.අපි බලමු ඉදිරියට කොහොම වේවිද කියලා.