ශේබි අපේ බලු පැටියා 😍

ඉතින් හැමෝම පරිස්සමෙන් ඇති කියල හිතනවා. අද ලියන්න යන්නෙ අපේ අලුත් සාමාජිකය ගැන. මං කලිනුත් ශේබි ගැන කිව්වත් ලොකු විස්තරයක් කරන්න උනේ නෑ. ඉතින් අද ශේබි ගැන ටිකක් ලිව්වනම් හොදයි කියල හිතුව. ඉතින් මුල ඉදලම කියන්නම් .ඒ කිව්වෙ ශේබි ගෙදරට ආපු එකෙන්ම පටන්ගන්නම්. කඩේට එන මාමා කෙනෙක් එයාලගෙ ගෙදර බලු පැටව් හදන්න බෑ කියල තමයි ශේබිව ගෙනත් දුන්නෙ.ඉතින් අපේ ගෙදර ශේබි එනකොටත් සීබා හිටිය නිසා දෙන්න කොහොම ඉදීව්ද කියල පොඩි බයකුත් නොතිබ්බෙම නෑ. කොහොමහරි ගේනකොටත් පුලුන් බෝලයක් වගේ තමයි ශේබි හිටියෙ. ශේබි ගෙදරට ගේනකොට මං හිටියෙ නැති නිසා නංගි ශේබිගෙ ෆොටෝ වීඩියෝ ගොඩක් එවල මං ඉක්මනට ගෙදර එන තත්වෙට පත් කරා.කොහොමහරි ගෙදර එද්දි මන් හිතුවටත් වඩා ශේබි හුරතල්. එහේ මෙහේ පැන පැන බඩත් එක්ක දුවන්නෙත් සෑහෙන්න අමාරුවෙන්.

ගෙදරට එන ගොඩක් අයත් කරන්නෙ වැඩිපුර මෙයාගෙ කෝලම් බලන එකයි හුරතල් කරන එකයි තමයි. ඒක නිසා ශේබිටත් පාළුවක් නෑ.ඉතින් කොහොමහරි දවස් දෙකක් ගෙදර ඉදල ආයිත් බෝඩිමට ආවෙ වෙනදටත් වඩා අවුලෙන් ශේබිත් එක්කම හිටපු නිසා. බෝඩිමට ඇවිල්ලත් ගෙදරට කතාකරන ගොඩක් වෙලාවට වැඩිපුර අහන්නෙ ශේබි ගැනම තමයි. නිදිමත උනාම කකුල් දෙක අස්සට ඇවිල්ල ගුලිවෙලා ඉන්නව උනුහුමට අතට ගත්තම හොදට ගුලිවෙලා ඉන්නව. ඉතින් කොහොම දාල එන්න හිතෙන්නද, කලින් ඇතිකරපු අයට වඩා ශේබිව ගොඩක් දැනෙන්නෙත් ඒක නිසාම වෙන්න ඇති...