දන්සල් App එක නිසා වෙනස් වුන වෙසක් ☸️🙏

Hello Everyone!! වෙසක් නිවාඩුවත් ඉතින් මේ විදිහට ඉවර උනා. මං හිතනවා හැමෝටම වගේ මේ පාර වෙසක් නිවාඩුව හොද ඇති කියලා.මොකද අපිට නැති වුනාට දවස් 4කම නිවාඩුවක් මේ පාර වෙසක් පෝයත් එක්කම ගොඩක් අයට ලැබුණු නිසා. ඒ නිසා හැමෝටම වගේ ඒක ලොකු නිවාඩුවක් වෙන්නැති කියලා මං හිතනවා.

හැබැයි මේ පාර වෙසක් කොච්චර හොද වුනත් තිබ්බ ලොකුම ගැටලුව තමයි වැස්ස. මේ පාර වෙසක් හෙදීලා යන්නම මේ දවස් ටිකේම හොදටම වැස්සා. වැස්ස විතරක් නෙමෙයි, වැස්සත් එක්ක ආපු විශාල සුළග නිසා ගොඩක් අයට කරදර වලට මුහුණ දෙන්න වුනා. මහන්සි වෙලා හදපු තොරණ්, වෙසක් කූඩු කැඩිලා තිබ්බා, වැස්ස නිසා දෙන්න හිටපු දන්සල් දීගන්න බැරි වෙලා තිබ්බා. ඒ උනත් සමහර ස්ථාන වල වැස්ස නොතකා ඒ දේවල් ඒ අකාරයෙන්ම තිබ්බා.

අපි දෙන්නටත් මේ පාර වෙසක් බලන්න යන්න උනේ වැස්සෙම තමා. හැබැයි මේ පාර වෙනදාට වඩා පොඩි වෙනසක් කලා. ඒ තමයි දන්සල් App එක බලාගෙන දන්සල් වලට ගියපු එක. ඒ දන්සල් App එකකනම් ඇත්තටම මේ වගේ දවස් වලට වටිනාම කියන ඇප් එකක්. මොකද ඒක හරහා අපිට දන්සල් තියෙන තැන්. පටන් ගන්න ඉවර වෙන වෙලාවල් හැමදේම බලාගන්න පුලුවන්. ඒ වගේම තමයි වෙසක් තොරණ්, පහන් කූඩු, භක්ති ගීත මේ හැමදේම ඒ App එක හරහා අපිට හොයාගන්න පුලුවන්.

ඉතින් අපි කරේ ඒ හැම එකක්ම වගේ බලලා අපිට ලග ලග තියෙන දන්සල් වල ලිස්ට් එකක් හදාගත්තා ඒවගේ තියෙන වෙලාවලුත් එක්ක. ඉතින් ඒවා හොයාගෙන යන අතරවාරයේ අපිට තව තව දන්සල් මගදිගට හමුවුනා. හැබැයි මෙදාසැරේ වැඩිපුරම හම්බුනේ අයිස් ක්‍රීම් දන්සල්. අයිස් ක්‍රීම් කාලා කාලා අන්තිමට අයිස්ක්‍රීම් එපාත් වුනා.

අපි දන්සල් වලට අමතරව තෝරණ් බලන්නත් ගියා. ඉස්සෙල්ලම අපි ගියේ පානදුරේ තොරණ බලන්න. පානදුරේ තොරණ බලන්න යන්න තීරණය කලේ මේ පාර ලංකාවේ තියෙන ලොකුම තොරණ හදලා තිබ්බේ පානදුරේ තොරණ නිසා. හැබැයි අපිට හිතාගන්නවත් බැරි තරම් සෙනගක් එදා ඇවිල්ලා හිටියා. සෙනග අස්සෙන් අමාරුවෙන් තොරණ ගාවට අපි ගියාට පස්සේ තොරණේ එක පැත්තක ලයිට් වැඩ කලෙත් නෑ. ඒක බලන්න ගියෙත් අපරාදේ කියලා හිතුනෙත් ඊට පස්සේ තමා. පානදුරෙන් පස්සේ පස්සේ අපි ගියේ ගෝල්ෆේස් එකේ වෙසක් බලන්න. ඒකත් ගියාම අපිට හිතුනේ අපරාදේ ගියේ කියලා. ඒ තරම් සෙනග ගෝල්ෆේස් එකේ. ඊට පස්සේ අපි ගංගාරාමේ වෙසක් බලාගෙන අපි ආපහු ගෙදර ආවා.

ඊට පස්සේ අපි ඊයේ කොට්ටාව, මහරගම, පිළියන්දල, හෝමාගම තොරණ් බලන්න ගියා. හැබැයි ඇත්තම කිව්වොත් පානදුරේ හැදුවා කිව්ව ලොකුම තොරණට වඩා අපි බලපු අනෙක් තොරණ් ගොඩක් ලස්සනයි. මොනවා උනත් වැස්ස තිබුනේ නැත්නම් මේ පාර වෙසක් මීට වඩා ලස්සන වෙන්න තිබ්බා. පොසොන් එකටවත් වහින්නැතුව තියෙන්න කියලා මං ප්‍රාර්ථනා කරනවා.