BA18 (Baybayin 18) at Simbolong Ra mula sa Alpabeto ng Zambales
Sa aklat na La Antigua escritura Filipina (1922) ni Ignacio Villamor ay ipinakita niya ang paggamit ng simbolo para sa katinig na /Ra/ mula sa Alfabeto de Zambales na kinuha sa manuskrito ni Padre Agustino (1601). Ang kopya ng Alpabeto ng Zambales ay matatagpuan sa aklat na Estudio de los antiguos alfabetos Filipinos (1895) ni Cipriano Marcilla.
Ito ang simbolo ng katinig na /Ra/ sa panitik ng Zambales:
Ang katinig na /Ra/ na naging "Ri" sa salitang Amerika:
Tawagin nating BA18 o B18 [Baybayin 18] ito dahil idinagdag ang simbolong /Ra/ sa dating labimpitong (17) simbolo ng Baybayin na nasa Doctrina Christiana.
Baybayin 18 (Ba18)
Ang BA18 ay may labingwalong (18) simbolo ng Baybayin (3 patinig, 15 katinig).
3 PATINIG
Sa BA18 ay may tatlong (3) patinig [A, E/I, O/U]. Ang simbolo ng /e/ at /i/ ay iisa. Ang karakter ng /o/ at /u/ ay iisa rin.
15 KATINIG
Ang labinlimang (15) katinig na may kasamang patinig na "a" ay ang mga sumusunod: Ba, Ka, Da, Ga, Ha, La, Ma, Na, Nga, Pa, Ra, Sa, Ta, Wa, at Ya.
Tandaan, sa BA18, idinagdag ang simbolong /Ra/ ng Panitik Zambales.
Sumali sa aming diskusyon sa Facebook:
FB Page | Baybayinista
FB Group | Baybayinista
BAYBAYIN: B17 Ang Tunay na Baybayin
Sulong Baybayin Abril 21 #SBA21
Ibinahagi ang lathalang ito sa #pilipinas channel para sa mga curator ng Curation Collective Discord Community, binigyan ng upvote at ni-resteem ng @c-squared na account pagkatapos ng manu-manong pagsusuri.
This post was shared in the #pilipinas channel in the Curation Collective Discord community for curators, and upvoted and resteemed by the @c-squared community account after manual review.
@c-squared runs a community witness. Please consider using one of your witness votes on us here
Thank you, @c-squared ^^