Təpəgöz
Hər vaxtınız xeyirli olsun. Steemit yazarlarına salamlar olsun.
Photo
Təpəgöz haqqında hər kəs eşidib. Gözü təpəsinin ortasında olduğuna görə, ona təpəgöz deyiblər. Təpəsinin ortasında tək bir gözü olduğuna görə və nəhəng cüssəli olan təpəgözdən insanlar çox qorxublar. Azərbaycan nağıllarının qəhrəmanı olan təpəgöz böyük cüssəli, çox yeyən, acgöz, insanlara daim əzab-əziyyət verən bir obraz olub. Uşaqları qorxutmaq üçün hər zaman "təpəgöz gəlib səni yeyər"deyərdilər. İndi də yekəpər, çox yeyən adamlara təpəgöz deyirlər. Əsasən türkdilli xalqların arasında geniş yayılmış təpəgözün nağılını uşaqlar sevə-sevə və çox maraqla dinləyirlər. Təpəgöz haqqında cizgi filmləri də var.
photo
Həqiqətən təpəgöz olub ya yox, onu bilmirəm, lakin Azərbaycanın müxtəlif bölgələrində təpəgözə oxşar varlıqların olması haqqında məlumatlar var. Bir neçə adamın təpəgözə oxsar, insanabənzər nəhəng bir varlığı gördüklərini deyirlər. Düzdür ya yalan bilmirəm, ancaq müxtəlif illərdə belə bir varlığı görənlər olub. Dünyanın bir çox yerlərində təpəgözə oxşar, nəhəng bir varlığın olduğunu iddia edən adamlar var.