Hello Everyone !..

---

ඔයාලට කොහොමද? හැමෝම පරිස්සමින් ඇති කියල මම හිතනවා.ඉතින් අද කියන්න යන්නෙ සීගිරිය ගිය ගමනෙ දෙවෙනි කොටස ගැන.

ඉතින් සීගිරිය බලල එනකොට හරියටම දවල් 1 විතර උනා.ඉතින් තව වෙලාවත් තියන එකේ අපි හිතුව පිදුරංගලත් ගිහිල්ලම යන්න. ඒක ටිකක් ලේසි වැඩකුත් නෙමේ.අපි කොල්ලො කෙල්ලො දෙගොල්ලොම හිටියනෙ.ඉතින් සීගිරියට ප්‍රවිශ්ට වෙන තැන ඉදල 2km තිබුන පිදුරංගල විහාරස්තානයට යන්න. වැඩි වෙලාවක් ගන්නෙ නැතුවම අපි පිදුරංගලට යන්න පිටත් උනා. යන අතරමග කන්න එක එක කෑම වගේකුත් ගත්තා.මොකද අපිට ඕනි උනේ නෑ කෑම වලටවත් වෙලාව වෙන් කරන්න.

ඉතින් ලොකු කැලයක් මැදින් වගේ තමා පිදුරංගලට යන්න තියෙන්නෙ.හවස් කාලය වෙනකොට අලි ගැවසෙනව කියල ගහල තිබුන බෝඩ් නිසා පොඩ්ඩක් බයත් හිතෙනව.ඒ බය දෙගුන උනා අලි වසුරු දැක්කම.කොහොමහරි අපි පිදුරංගල විහාරස්තානයට ඇවිල්ල ඒ පන්සල මැදින් පිදුරංගල කන්ද නගින්න පටන් ගත්තා.හිතන තරම් ලේසි නෑ පිදුරංගල නගින එකනම්.අන්තිමට යන්න තියන ටිකනම් හරිම අවදානම්.තව කෙනෙක්ගෙ උදව්වක් ඕනිම වෙනව.

ඊටත් වඩා එතනට තියන හුලග. මගේ ජීවිතේ වැඩිම හුලග දැනෙන්න ඇත්තෙ පිදුරංගල උඩට තමා. අපිවත් ගහගෙන යන තරමටම හුලග.කොච්චර මහන්සියෙන් නැග්ගත් අර හුලග නිසා ඉක්මනට වෙහෙස නිමෙනවා. ඊටපස්සෙ ඉතින් හැමෝම පටන් ගත්තා පොටෝ ගහන්න.මට හිතෙන විදිහට නම් සීගිරියට වඩා පිදුරංගලට පේන දර්ශනය ලස්සන වැඩියි. මොකද පිදුරංගලට සීගිරියත් ලස්සනට පේනවනෙ. ඒ නැතත් වටේටම හරි ලස්සනයි පිදුරංගලදි. අපි හැමෝම ගල්තලාවෙ හිටිය ටික වෙලාවක්.ඊටපස්සෙ ආපහු බහින්න ගත්තා.එනකොට පන්සලට ගිහින් ආගමික වතාවත්වල නිරත වෙන්නත් අමතක කරේ නෑ අපි.

අපි ආපහු යනවනං සීගිරිය ලගටම ආයෙ 2km පයින් යන්න ඕනි.ඔය ගැන හිත හිත ඉන්නකොටම අපිට හම්බුනා මඩු පල්ලියේ ගිහින් ආපහු එනකොට පිදුරංගලත් බලන්න ආපු මීගමුවෙ පිරිසක්. ඉතින් එයාල බොහොම කැමැත්තෙන් අපිව දඹුල්ල නගරය දක්වාම එයාලගෙ බස් එකේ අරගෙන ගියා. ඒක ඒ වෙලාවෙ හැටියට ලොකු උපකාරයක්. අන්තිමට අපි එයාලට ස්තූති කරල බැස්සා. එතනින් ඉක්මනට අපේ කැම්පස් එකට යන බස් එක්කට නැගල හවස 6 වෙන්න කලින් කොහොම හරි ගියා අපි කැම්පස් එක ඇතුලට. නැත්තං ඉතින් ඉවරයි තමා. ඇත්තටම ඒ දවස ඉතාමත් සුන්දර දවසක්.මොකද අපි‍ට කිසිම තැනක වෙලාව නාස්ති උනේ නෑ. සම්පූර්ණ ගමනක් උනා ඒක. ආයෙමත් ගමනක් යන්න අපි නිවාඩුවක් ලැබෙනකං බලාගෙන ඉන්නවා.

හැමෝම පරිස්සමින් ඉන්න.
ස්තූතියි 🙏🏻🙏🏻🙏🏻