Pathum on Fire
ඉතින් යාලුවනේ කොහොමද? ශ්රී ලංකා ක්රිකට් රසිකයින් පසුගිය කාලයක් පුරාවට ශ්රී ලංකා කණ්ඩායමට තරග නොතිබුණු නිසා දැඩි කනස්සල්ලෙන් තමයි හිටියේ.ඉතින් ඒ ඉඩෝරෙට දිය පොදක් විදියට බංගලාදේශ කණ්ඩායම සමග තරගාවලිය යෙදිලා තියෙනවා.ඉතින් පළමු තරඟය ජය පරාජයෙන් තොරව අවසන් වුණේ කණ්ඩායම් දෙකම දක්ෂතා හොඳින් පෙන්වමින්.ඉතින් මේ තරගාවලිය ගොඩක් වැදගත් වෙන ශ්රී ලංකා කණ්ඩායමට ලෝක ටෙස්ට් ශූරතාවලිය සඳහා මේ තරඟයත් ඇතුළත් වෙන නිසා.ඒ අනුව කණ්ඩායම් දෙකටම ලකුණු හතර බැගින් ලැබුනා තරඟය ජය ප්රාජයෙන් තොරව අවසන් වුන නිසා.මේ තරඟාවලියත් සමගාමීව ඉන්දියා එංගලන්ත තරගාවලියත්, ඕස්ට්රේලියාව සහ බටහිර ඉන්දීය කොදෙව් කණ්ඩායම අතර තරගාවලියත් යෙදිලා තියෙනවා.ඒ නිසා ශ්රී ලංකා කණ්ඩායමට මේ දෙවෙනි තරගය ජය ගැනීම ගොඩක් වැදගත් වෙනවා.
ඉතින් දෙවන තරගයේත් කාසියේ වාසිය ජයග්රහණය කළ බංගලාදේශ කණ්ඩායමේ නායක Santo විසින් දෙවරක් නොසිතාම ප්රථමයෙන් පන්දුවට පහරදීමට තීරණය කළා.SSC පිටිය තුළදී ගාල්ල තණ තීරුවේ තරම් ඔවුන්ට වාසිදායක තත්ත්වයක් නම් ලැබුණේ නැත්තේ ශ්රී ලංකා කණ්ඩායමේ පන්දු යවන්නන් විශිෂ්ට අයුරින් දක්ෂතා පෙන්නූ නිසා.ඒ අනුව ශ්රී ලංකා ජාතික කණ්ඩායමට වරම් දිනාගත් සොනාල් දිනූෂ පළමු තරඟයෙන්ම බංගලාදේශ කණ්ඩායමේ කඩුලු තුනක් දවා ගැනීමට සමත් වූ අතර හොඳම පන්දු යැවීමත් ඔහුගේ වීම තවත් කැපී පෙනුනා.ඒ වගේම අසිත ප්රනාන්දු කඩුලු තුනක්ද විශ්ව ප්රනාන්දු කඩුලු දෙකක් ද දවාගැනීමට සමත් වුණා.ඒ අනුව බංගලාදේශ කණ්ඩායමේ බලාපොරොත්තු සුන්කරමින් ලකුණු 247කට ඔවුන්ගේ ප්රථම ඉනිම සීමා කිරීමට ශ්රී ලංකා කණ්ඩායමේ පන්දු යවන්නන් සමත් වුණා.ශ්රී ලංකා ප්රථම ඉනිම දියත් කිරීමට පිටියට පිවිසි පැතුම් නිස්සංක සහ ලහිරු උදාර ප්රථම කඩුල්ලට ලකුණු 88ක සබඳතාවක් ගෙන ගිය අතර අවාසනාවට ලකුණු 40දී ලහිරුගේ ඉනිම අවසන් වුනා.ඉන් පසුව පැතුම් සමග පිටියට එක් වූ චන්දිමාල් බංගලාදේශ පන්දු යවන්නන්ට අනුකම්පා විරහිත පිතිකරණයක නිරත වූයේ ලකුනු 194ක දැවැන්ත සබඳතාවක් පවත්වමින්.අවාසනාවන්ත ලෙස චන්දිමාල් දවසේ අවසන් පන්දු වාර කීපයේදී දැවී ගියේ ශතකය ආසන්නයේ ලකුනු 93ක් ලබාගනිමින්.වර්තමාන ශ්රී ලංකා කණ්ඩායමේ නැංගුරම වෙන පැතුම් නිස්සංක දෙවන දවස අවසන් වන විට නොදැවී ලකුනු 146ක් ලබා සිටියා.ඒ වගේම ශ්රී ලංකාව බංගලාදේශ කණ්ඩායමේ ප්රථම ඉනිමට වඩා 43ක් ඉදිරියේ සිටින්නේ කඩුලු 8ක්ද අතැතිවයි.අපි බලමු ඉදිරි දවස් කීපයේ තරඟය කොහොමින් කොහොම වේවිද කියලා.