"Buhay-Bata"
"Buhay-Bata"
Tula patungkol sa kasiyahan na nararanasan natin nung kabataan
Kasiyahan ng bata ay walang kapantay
Para sa kanila, ang gaan lang ng buhay
Iniisip lang ay saya, walang problema
Laro hanggang gabi magmula pa umaga
Kay sarap nga naman ulit maging bata
Yan ang kasabihan ng mga matatanda
Kung maibabalik lang ang panahon at oras
Aayusin ang lahat, at hindi magwawaldas
Mga laro nung kabataan ay sobrang saya
Patintero, luksong baka at mataya-taya
Pag ikaw ay babagal bagal at hindi gagalingan
Malamang ikaw ay pulutin lamang sa kangkungan
Mas masaya sa laro kung kayo-kayo
Pero mas determinado kapag may dayo
Kahit saang larangan hindi magpapatalo
Pag dinaya ay "Sumbong kita sa Kuya ko"
Bata nga naman kahit mainit
Makapaglaro lang talagang magpupumilit
Kaya minsan kapag kukulit kulit
May naghihintay sa bahay na palo sa puwit
To give @surpassinggoogle your witness voting decision, visit https://steemit.com/~witnesses and type in "surpassinggoogle" in the second box as a proxy.
Other recommended witness: @beanz @curie @teamsteem @acidyo @reggaemuffin @utopian-io @good-karma @blocktrades @timcliff @hr1 @cloh76.witness @busy.org @precise @arca

