Una sa lahat, ipagpaunmanhin niyo na natagalan ang aming anunsyo sa mga nanalo sa patimpalak. Malaki ang oras na nalaan namin sa ibang bagay at lalo na dahil sa mga nagdaang okasyon at mga mahahalagang pangyayari. Gayun pa man...

Kami ay lubos na nagagalak dahil sa pinakitang dedikasyon ng mga Pilipinong sumali sa amiing unang patimpalak tungkol sa paggawa ng tula na may temang #pagbabago. Naipakita ninyo ang inyong angking galing sa matalinghagang pagsulat at ang inyong pagkamalikhain sa temang binigay at uri ng sulatin.

Hindi man gaano karami ang nagsumite ng kanilang mga gawa, lubos parin ang aming tuwa dahil may mga Pilipinong gustong matuto ng ibang gawain at magkaroon ng ibang paraan para makuha ng biyaya sa steemit. Asahan niyong tuloy-tuloy ang aming mga proyektong gustong ipamahagi sa mga Pilipino.

Kaya ito na ang mga mapapalad na napili at mananalo ng karagpatang gantimpala

---

• 1st place - @wandergirl na makakatanggap ng 5 SBD

Literaturang Filipino: Pagbabago'y Simulan

Pagbabago'y maaring magdulot ng saya, lungkot o galit sa bunbunan
Ito may kusa o magdulot ng bigat sa kalooban
Maaring ito ay pang-sarili o pangkalahatan
Ang importante maabot ang nais makamtan

---

• 2nd place - @nikkabomb na makakatanggap ng 3 SBD

Literaturang Filipino: Para sa pagbabago!

Umagang kay sigla ang bumungad sa kanyang mga mata.
Isang kabigha-bighaning araw para sa isang dalaga.
Mata'y pilit na binubuka upang masilayan ang oras ng pag-gising nya.
Naku! Pasado alas syete na pala!

---

• 3rd place - @josejirafa na makakatanggap ng 2 SBD

Literaturang Filipino Contest #5: Sariwang Pagbabago (A @steemitph.cebu initiative)

Sa pagsikat ng araw
Pumaitaas ang bagong pagkakataon
Liwanag na siyang sumisilip
Sabay takip sa alaalang yumaon

---

Congratulations sa inyo at Maraming Salamat!

---

Sa mga hindi pinalad na manalo, maraming salamat dahil naging parte kayo sa paligsahan at naipakita niyo ang angkin ninyong galing sa pagsulat ng wikang Filipino. Naway mapaunlad pa ninyo ang inyong kakayahan sa pagsulat at sumali ng sumali sa mga magaganap pang patimpalak hanggang manalo na.

Antabayanan ang aming susunod na patimpalak!