Papa ki daant se koi jaan deta hai kya yaar

in life •  20 days ago

Pata nahi aaj kal ke ladko ko kya ho gaya hai yaar. Mera ek dost hai jiss ka naam Sahil hai wo mera achha dost nahi hai bas aise hi jaanta hoon usko mere hi school me padhta tha mere se 1 class aage tha. Uss se bas halki fulki jaan pahchaan thi bande ne suicide kar liya aur suicide kiss liye kiya ye jaan kar to mere hosh hi ud gaye bhai. Ajeeb ajeeb log hai thoda sa bhi sahan shakti nahi hai aaj ke bachho me.


Image source

Uske pita ne thoda sa danta to usne pankhe se latak kar apni jaan de di. Batao aaj kal ke maa baap ko apne bachho ko daante ka bhi hak nahi hai thoda sa dant par apni jaan de dete hai. Ab aap hi batao ye koi wajah hui uske papa ne usko thoda sa danta to usne jaan de di mere papa to mujhe nahi daante hai lekin meri maa baar baar mujhe daante hi rahti hai maine to aisa kabhi socha hi nahi. 

Kya faayda yaar jaan de ke unhone paida kiya galti karne par agar wo nahi datenge to aur kon daatega. Jab apni maa baap ki baat bardast na ho rahi hai to dusre ki baat kaha se bardaast hogi. Aaj kal ke ladko me sahan shakti nahi hai batao 23 saal ka tha wo ladka aur usne apni jaan de di bas isliye kyo ki uske pitaji ne usko daant diya. 

Der raat tak party kar raha tha new year me.
Wo apne dosto ke saath saal ke pahle din party karne gaya hua tha. Main unke saath nahi gaya tha mujhe bhi jaana tha lekin wo log mere utne achhe dost nahi they bas aise hi main unko jaanta tha. Mere apne dost hai maine apne dosto ke saath gaya hua tha. To wo ladka party karne gaya hua tha waha uske mobile ki battery down ho gayi. 

Ab der raat kahi lagaoge aur na phone karoge to ghar waale ghabraayenge hi. Isi tarah uske ghar waale usko baar baar phone kar rahe they lekin mobile switch off aa raha tha ye jaan ne ke liye phone kar rahe they ki wo kab ghar aayega thik hai ki nahi. 

Raat me late aaya ghar.
Jab ghar late aaya to uske papa ne usko daant lagayi. Yaar dekh lo usko fikar thi iss wajah se hi to daanta tha lekin ye aaj kal ke ladke ye sab kaha se samjhenge jab tak unke khud ke bachhe nahi honge. Bas uske papa ne late ghar aane ki wajah se usko daanta to usne apni jaan de di. 


Image source

Uske baap ko uski fikar thi iss wajah se hi to daanta tha yaar lekin bande ko itna bura laga ki faansi laga ke apni jaan de di. 

Maa baap ki daant bardast kiya kare.
Bhai main to aap sab se yahi kahna chahunga ki maa baap humari bhalayi ke liye hi daante hai. Wo ladka phone kar ke bol deta ki haan papa ghar aane me late ho jaayegi to kyo daante uske papa aur bhai danta bhi to kuch galat nahi kiya lekin uske bete ko bura lag gaya aur usne itni choti si baat par hi apni jaan de di. 

Authors get paid when people like you upvote their post.
If you enjoyed what you read here, create your account today and start earning FREE STEEM!