Mathura ka naya railway station

in life •  22 days ago

Mathura ka ye naya railway station dekh kar aap sayad apni aankho par vishwaas nahi karenge. Mathura junction railway station abhi haal hi me upgrade hua hai aur kaafi behtar bana diya gaya hai. Ek dum VIP ki tarah banaya gaya hai. Iss ka exit aur entry ka jo raasta hai na wo bhi ek dum first class bana diya gaya hai. Ek humara railway station hai sala sab taraf sirf thuka hi najar aayega aap ko jiss ki jaha marzi wahi thuk deta hai. 

 

Mujhe pata hai ye sirf mere railway station ka haal nahi hai ye sabhi railway station ka haal hai aur pure India ka yahi haal hai sab jaha taha gutkha khaa kar thook dete hai. Main to aaj tak kabhi gutkha khaya hi nahi hoon aur na hi maine kabhi paan khaya hai. Umeed hai ki future me ye sab kabhi khaaunga bhi nahi aur agar aap khaate ho to aap se bas itna hi kahunga ki thoda dhyaan rakha karo kahi bhi mat thook diya karo. 

Ye apna hi desh hai kisi aur ka nahi agar apne desh ko saaf suthra rakhoge to humare liye hi achha hoga. Par mujhe nahi lagta apne desh ke log sudharne waale hai yaha ke logo ko saaf safaiyat ke baare me kuch pata hi nahi hai aur humare yaha to bhayanak haal hai yaar sab road par hi kachra fake dete hai. Ab kya batau main aap ko. 

 

 

Dekh rahe ho kitna solid hai ye, abhi to bahut achha dikh raha hai kyo ki naya naya hai lekin mujhe nahi lagta apne desh ke log iss ko bhi saaf suthra rahne denge. Dekhna bahut jald iss ka bhi haal bura ho jaayega. Sab taraf kachra aur thuka hua milega abhi to ye bahut saaf suthra hai. Aisa saaf suthra lagta hai to apne desh ke logo ko achha nahi lagta isliye wo iss ki khubsurti bigaadne me lag jaate hai.  

Jald hi dekhna iss ki bhi khubsurti puri tarah se bigad jaayegi iss ka bhi haal baaki railway station ki tarah ho jaayega. Kyo ki saaf safayi rakhna humare desh ke logo ki bas ki baat nahi hai. Modi ji bhale hi swatch bharat ka abhiyaan chala rahe ho lekin abhi bhi koi iss ka sahi se paalan nahi karta hai. 

 

Main apne shahar ke baare me bataunga to sayad aap ko bahut gussa aayega. Yaha ke log na bhai apne bachho ko road me hi hagwa dete hai. Mana karne par ladne lagenge aur yaha ki aurto ke saath lad nahi paaunga main isliye kuch bolne bhi nahi jaata hoon aur dusra koi saath deta nahi hai to main akele kyo apna maatha kharab karu aur ek aurat se kyo gaaliya sunu yaar idhar adhiktar log jaahil hai jaha main rahta hoon waha par. 


All images source

Authors get paid when people like you upvote their post.
If you enjoyed what you read here, create your account today and start earning FREE STEEM!
Sort Order:  

Congratulations @akshaykumar12257! You have completed the following achievement on the Steem blockchain and have been rewarded with new badge(s) :

You published a post every day of the week

Click here to view your Board
If you no longer want to receive notifications, reply to this comment with the word STOP

To support your work, I also upvoted your post!

Support SteemitBoard's project! Vote for its witness and get one more award!