Lo bhaiyya jeet gaye hum t20 series
Kal ka match bahut hi mast tha. Kal deepak chahar ko mauka mila aur banda chaa gaya bhai jo bhi kaho bahut hi khatarnak bowling ki hai bande ne. Yahi wajah hai ki kal man of the match bhi mil gaya iss bande ko. Kal dono bhai khel rahe they deepak chahar aur rahul chahar. Dono hi bowling karte hai ek bhai ne achha bowling ki dusre ne utna achhi bowling nahi ki lekin niraash nahi kiya kisi ko.
Image source
Deepak ki achhi bowling thi kal ki.
Haan to ab iski bowling ki baat kare to bande ne kewal 3 over hi kiye aur aap ko yakeen nahi hoga 3 over me 1 maiden feka aur 2 over me 4 run diye aur saath hi 3 wicket bhi liya. Ji bhai log sahi sun riya ho aap sabhi log 3 wicket le liya bande ne ek maiden bhi diya. Bande ki economy 1.33 ki rahi hai itna kam economy bahut samay ke baad dekha hoon main pahle kab dekha tha mujhe yaad bhi nahi hai.
Ab aap hi batao isko man of the match nahi milta to fir kisko milta hai ki nahi. Aisi khatarnak bowling kar ke to bande ne sab ka dil hi jeet liya hai jaise ki mera dil jeet liya isne. Dono bhai aaj pahli baar ek saath India ke liye khele hai dono bahut hi khush honge aur ghar waale jo inko tv par dekh rahe honge wo to aur bhi jyada khush honge.
T20 ke sabhi match humne jeete.
Khair bhai log t20 khatam ho gaya west indies ke khilaf aur hum logo ne saare ke saare match jeet liye hai. Jeetna bhi tha yaar west indies bahut hi kharab khel rahe hai aaj kal. Ab ODI match hoga jo kuch din se shuru hoga abhi wahi rahenge team India. Mera matlab abhi unko uthna baithna west indies me hi hoga.
Rohit nahi khele kal ka match.
Mujhe nahi pata ki rohit kal ke match me kyo najar nahi aaya. Uske badle me rahul ko mauka mila tha aur shikhar to hai hi apna. Ye banda aaj kal badhiya nahi khel raha hai. Jab se chot laga hai tab se aaya hai badhiya khel hi nahi raha hai. Iss baar achha run nahi mara hai iss bande ne.
Virat kal mast khela hai jo bhi kaho. Yadi ye na hota to ho sakta hai hum match haar bhi sakte they lekin ye banda achha khela iss wajah se hum match jeet gaye. Iss ke alawa rishabh ne bhi kal niraash nahi kiya apne pahle 2 match me to niraash kiya bande ne lekin tisre match me isne niraash nahi kiya hai. Tisre match me isne achha run banaya hai aur ye banda kaabil to hai bas aise hi achhe se khelta rahe.
To listen to the audio version of this article click on the play image.
Brought to you by @tts. If you find it useful please consider upvoting this reply.
You got a 94.66% upvote from @minnowvotes courtesy of @akshaykumar12257!