Iss baar ka budget dekh maja aa gaya

in life •  20 days ago

Kal budget me Modi ji ne sab ko hairaan hi kar diya hai aur sab se jyada hairaan to congress waale ho gaye hai. Ab wo kon si daao khelenge wo bhi nahi samajh paa rahe hai. Kyo ki Modi ji ne sara daao palat diya hai. Iss baar budget se Modi ji ne sab se jyada dil khush midil class waalo ka kiya hai. Taxable income ko 5 lakh kar diya hai pahle 2.50 lakh tak free tha uske baad 5% tax lagta tha 5 lakh tha lekin ab nahi lagega. Maine pichle post me iss ke baare me badhiya se likha hai aap padh sakte hai. 


Image source

Kisaano ke liye bhi raha khaas.
Ye budget kisaano ke liye bhi khaas raha hai kyo ki iss budget ke baad unko har saal 6000 rupya diya jaayega aur ye amount 3 instalment me diya jaayega. Aap ko pata hai desh ke kareeb 12 crore kisaan ko har saal 6000 rupya milega. Ye amount kam nahi hai mujhe to thik hi laga hai har roj ka samajh lijiye 17 rupya mil raha hai. 

Rahul ji ka kahna tha ye kisaano ki apmaan ki baat hai ki har roj 17 rupya milega. Mujhe to ye samajh nahi aa raha hai ki pahle congress kitna deti thi kisaano ko. Are kuch bhi nahi deti thi bhai abhi agar Modi ji ne dena shuru kiya hai to bhi unko dikkat ho rahi hai. Ye 6 hazaar rupya se wo apni kheti ke liye beach wagera le sakte hai aur bahut kuch kar sakte hai. 6000 rupya har saal ka kam nahi hai. 

Hoga ab gaaon ka vikaash.
Aap ko pata hai iss naye budget ke anusaar agle 5 saal me 1 lakh gaaon ko digital banaya jaayega. Ye to thik hai lekin yaar abhi tak mere gaon me bijli bhi nahi aayi hai. Haan bhaaiyo sahi bol raha hoon main ab tak mere gaaon me bijli nahi aayi hai. Poll jo hota hai na wo bahut pahle lag chuka hai congress ke time hi lekin ab tak bijli nahi aayi hai. 


Image source

Khair jo bhi ho iss saal ka budget bahut hi khas hai. Sab tareef kar rahe hai aur sab ko achha laga hai. Congress waale bhi soch rahe honge ki Modi ji ne achhi chaal chal di. Sab kah rahe hai iss baar fir se namo. Main bhi yahi kah raha hoon iss baar fir se modi ji hi jeetne waale hai. 

Aap ki kya raay hai aap kis ko vote dene waale ho? Main to yaar modi ji ko hi vote dene ki soch raha hoon. Kam se kam ye kuch alag karne ki sochta to hai. Bhale hi Modi ji ne bahut feka ho lekin koi baat nahi ye insaan achhe hai aur mujhe lagta hai ye pradhan mantri banne ke laayak hai lekin rahul me pradhan mantri wala koi gun na hai. 

Authors get paid when people like you upvote their post.
If you enjoyed what you read here, create your account today and start earning FREE STEEM!