زمین و زماں تمہارے لئے ، مکین و مکاں تمہارے لئے​

in islamic •  2 years ago

زمین و زماں تمہارے لئے ، مکین و مکاں تمہارے لئے​
چنین و چناں تمہارے لئے ، بنے دو جہاں تمہارے لئے​

دہن میں زباں تمہارے لئے بدن میں ہے جاں تمہارے لئے​
ہم آئے یہاں تمہارے لئے اٹھیں بھی وہاں تمہارے لئے​

فرشتے خِدَم رسولِ حشم تمامِ اُمم غلامِ کرم​
وجود و عدم حدوث و قدم جہاں میں عیاں تمہارے لئے​

کلیم و نجی مسیح و صفی خلیل و رضی رسول و نبی​
عتیق و وصی غنی و علی ثنا کی زباں تمہارے لئے​

اصالتِ کُل امامتِ کُل سیادتِ کُل امارتِ کُل​
حکومتِ کُل ولایتِ کُل خدا کے یہاں تمہارے لئے​

تمہاری چمک تمہاری دمک تمہاری جھلک تمہاری مہک​
زمین و فلک سماک و سمک میں سکہ نشاں تمہارے لئے​

وہ کنزِ نہاں یہ نور فشاں وہ کن سے عیاں یہ بزم فکاں ​
یہ ہر تن و جاں یہ باغِ جناں یہ سارا سماں تمہارے لئے​

ظہورِ نہاں قیامِ جہاں رکوعِ مہاں سجودِ شہاں ​
نیازیں یہاں نمازیں وہاں یہ کس لئے ہاں تمہارے لئے​

یہ شمس و قمر یہ شام و سحر یہ برگ و شجر یہ باغ و ثمر​
یہ تیغ و سپر یہ تاج و کمر یہ حکمِ رواں تمہارے لئے​

یہ فیض دیے وہ جود کیے کہ نام لیے زمانہ جیے​
جہاں نے لئے تمہارے دیے یہ اکرمیاں تمہارے لئے ​

سحابِ کرم روانہ کیے کہ آبِ نِعَم زمانہ پیے​
جو رکھتے تھے ہم وہ چاک سیے یہ سترِ بداں تمہارے لئے​

ثنا کا نشاں وہ نور فشاں کہ مہر وشاں بآنمہ شاں ​
بسا یہ کشاں مواکبِ شاں یہ نام و نشاں تمہارے لئے​

عطائے ارب جلائے کرب فیوضِ عجب بغیر طلب​
یہ رحمتِ رب ہے کس کے سبب بَرَبِّ جہاں تمہارے لئے ​

جناں میں چمن ، چمن میں سمن، سمن میں پھبن ، پھبن میں دلہن ​
سزائے محن پہ ایسے مِنن یہ امن و اماں تمہارے لئے ​

خلیل و نجی ، مسیح و صفی سبھی سے کہی کہیں بھی بنی ​
یہ بے خبری کہ خلق پھری کہاں سے کہاں تمہارے لئے

Poetry by : Talat

Authors get paid when people like you upvote their post.
If you enjoyed what you read here, create your account today and start earning FREE STEEM!
Sort Order:  

bahut aala talat

This post has received a 2.91 % upvote from @booster thanks to: @abbasfxtm.

This post has been ranked within the top 80 most undervalued posts in the first half of Aug 12. We estimate that this post is undervalued by $10.63 as compared to a scenario in which every voter had an equal say.

See the full rankings and details in The Daily Tribune: Aug 12 - Part I. You can also read about some of our methodology, data analysis and technical details in our initial post.

If you are the author and would prefer not to receive these comments, simply reply "Stop" to this comment.