Photo borrowed @steemitblog

Maayong adlaw, steemit team

Salamat sa pagbuhat ug makasaysayanon nga #steemitawards2021 sa tagsa-tagsa ka mga talentadong indibidwal diri sa steemit. Diin usa kini ka inspirasyon sa mga katawhan diri sa steemit. Nga magbuhat pa ug mga maanindot ug mga matulun-anun nga mga artikulo. Ug usa pud among matuboy ang among idolo nga mga indibidwal o komunidad. Nga naghatag kanamo ug inspirasyon para molambo pa sa steemit. Ug nigiya kanamo sa saktong tumong sa pagpalambo sa among tagsa-tagsa ka mga kaugalingon.

Ug para sa mga dugang impormasyon, palihug sa pagbisita kang @steemitblog's post link:https://steemit.com/steemitawards2021/@steemitblog/the-steemit-awards-2021

Malipayon akong inominado o ituboy para sa #steemitawards2021:

My best community:

#steemfoods community

Photo borrowed #steemfoods

Sa akong paghibalik diri sa steemit, kini nga komunidad diin una akong nisalmot. Tungod usa usab ako ka mahigugmaon sa pagkaon. Ug wala gyud ako nagmahay nga ni apil sa kini nga komunidad. Ug gayod sa way pagduha-duha nisuporta kini kanako sa akong mga artikulo kabahin sa mga pagkaon. Na-enganyo usab ako nga mo-apil ani nga komunidad. Tungod pud ug para mapa-ambit usab nako sa nagkada-iyang nasud sa tibook kalibutan. Ang akong mga luto o mapa-ambit usab ang nagkalain-laing mga putahi o pagkaon diri sa among nasud sa Pilipinas.

Para usab mahibaloan sa managlahing nasyunalidad. Kung unsa usab ka lami ang mga pagkaon sa mga pinoy. Kung diin mapasigarbuhon ako nga ipa-ambit kaninyong tanan ang among mga pagkaon o putahi diri sa Pilipinas. Managlahi man kita ug mga nasud nga gigikanan. Ang importanti nagkahi-usa kitang tanan para sa pag-indorso o pagpalambo pa sa tagsa-tagsa nato ka mga pagkaon. Managlahi man ang atong gigikanan nga mga nasud. Para usab sa kalamboan sa steemit sa umaabot pa nga mga panahon.

Tungod usab kay ang pagkaon usa na kini ka kinahanglanon sa katawhan sa matag adlaw. Kung diin kung wala ang pagkaon, dili usab kita mabuhi diri niining kalibutan. Kinahanglanon gyud nato kini sa kada adlaw, parti na kini sa atong tagsa-tagsa ka mga kinabuhi. Para usab kita molagsik, nagkinahanglan gayud kita ug pagkaon. Ug makapadayon sa pagsagubang sa tagsa-tagsa sa dagan sa kinabuhi.

Ug sa lain pa usab, ang #steemfoods community maoy nagbansay kanako para mogama pa ug mga pagkaong pinoy nga wala pa nako mahimo o mabuhat. Ug pagdiskubre pa sa mga kinaham pagkaong pinoy nga wala pasad nako mahibalo-i. Si #steemfoods community usab ang migiya kanako para palambuon pa ang akong luto nga mga pagkaon. Pinaagi sa mga komentaryo sa mga indibidwal sa nagkalain-laing nasud. Dako gayud kini nga tabang diri kanako diri sa steemit. Ug angayan gayud kini para sa #steemitawards2021 para sa best community kategorya.

My best community contributor:

@alikoc07

Photo borrowed @alikoc07

Usa ka tinahud nga indibidwal diri sa steemit ug ilabi na sa #steemfoods community. Hamtung ang panghuna-huna para magbuhat ug mga nagkada-iyang contest kabahin sa pagkaon. Managlahi man ang atong gigikanan nga nasud pero andam ug malipayon akong nituboy kanimo para sa #steemitawards2021 sa best community contributor nga kategorya. Sa tanan nimong nabuhat o nakab-ot para gayud sa kalamboan sa #steemfoods community. Takos gayud ikaw nga pasidunggan o pasigarbuhan sa kini nga ganti. Malipayon usab ako nga musubay sa tanang mga balaod nga imong gi-implementar o gipanday sa #steemfoods community. Para usab sa kaayuhan sa tanang indibidwal nga miyembro niini. Managlahi man ang nasyunalidad o nasud nga gigikanan. Takos ka nga hatagan ug suporta sa mga katawhan nga nahisakop sa #steemfoods community. Ug takos ka nga pasidunggan sa kini nga #steemitawards2021 best community contributor kategorya. Ug hinaut magpadayunon usab ang pagsuporta diri kanako o kanamong tanan diri sa #steemfoods community.

My best author:

@juichi

Photo borrowed @juichi

Idolo! Kabayan! Kini nga indibidwal, taas ug respeto sa mga tagsa-tagsa ka katawhan diri sa steemit. Taas ug lahutay para mohatag ug mga mahinungdanung mga giya sa ikalambo sa usa ka indibidwal. Ilabi na sa mga bag-uhay pa lang na miyembro sa steemit. Bisan paman wala kami magkahimamat pero nakita nako ang iyang potensyal o pagtalentado sa pagbuhat ug mga obra. Sama sa paggama ug pagbuhat ug mga maanindot ug informative nga mga artikulo. Siya usab ang akong gipanaminan ug inspirasyon ilabi na sa pag power up. Dedikado gayud siya sa steemit, ug gani nakita nako sa iyahang steempower. Kung unsa usab ka taas ug kadako ang kauswagan niini. Angayan usab gayud siya sa #steemitawards2021 best author kategorya. Sa iyang katakos ug kalidad sa pagbuhat ug mga mahinungdanung impormasyon pinaagi sa iyang mga artikulo. Inubanan usab sa iyang mga giya ug mga pahimangno.

Mao kini ang mga indibidwal nga akong ipasigarbo ug ituboy sa tagsa-tagsa ka mga kategorya. Isip pambato nako sa #steemitawards2021.

best community: #steemfoods
best community contributor: @alikoc07
best author: @juichi

Saludo gayud ako sa inyong tanan!

Mga idolo!

Daghan kaayong salamat!

Nagasuporta kaninyo,

🙏🙏🙏

@natz04